Gaurkotasuna / 19 ekaina, 2024
Donostia izan da TBEX Europe 2024ren eszenatokia, bidaia-blogarientzako nazioarteko ekitaldirik garrantzitsuena. Kursaalen egin da topaketa hau, eta bidaia-edukien sortzaileak, blogariak eta mundu osoko turismo-sektoreko profesionalak bildu ditu.
Biltzarrean, bertaratutakoek informazioa, tresna eraginkorrak eta estrategia berritzaileak partekatzeko aukera izan dute, funtsezkoak baitira bidaiek eta turismoak gaur egun duten espazio dinamikoan arrakasta izateko. Jarduera nabarmenen artean, tailerrak, hitzaldiak eta networking-saioak egin dira, parte-hartzaileek esperientziak eta ezagutzak trukatzeko aukera izan dezaten.
TBEX Europe 2024 funtsezkoa izan da, kontaktu profesionalen sareak indartzeko ez ezik, sare sozialetan, influencer-etan eta marketin digitalean arrakasta izan duten kasuak ezagutzeko ere. Adituek beren praktika onenak partekatu dituzte, eta online presentzia optimizatzeko eta audientzia globaletara iristeko moduari buruzko intsightak eskaini dituzte.
Ekitaldi honek marketin digitalak eta sare sozialek helmuga turistikoen sustapenean duten garrantzia azpimarratu du, bertaratutakoei horien irismena eta industrian eraginkortasuna hobetzeko beharrezko tresnak emanez.
