Gaurkotasuna / 2 maiatza, 2023
Datorren ostiralean (maiatzak 5), 10: 00etan, Robert Plant-ek, Led Zeppelin taldearen sortzaile eta abeslariak, irailaren 10ean Kursaal Eszenaren baitan emango duen kontzerturako sarrerak jarriko dira salgai. Sarrerek 60 €-ko prezioa izango dute eta erosi ahalko dira Kursaaleko leihatiletan eta www.kursaal.eus webgunean (helbide hori da sarrerak online saltzeko baimendutako bide bakarra).
Kursaal Eszenako denboraldi berriari hasiera emango dion kontzertuan, Robert Plant Kursaal Auditorioan izango da Saving Grace bandarekin batera. Plant bera ez ezik, Saving Grace osatzen dutenak dira: Suzi Dian abeslaria (ahotsa), Oli Jefferson (perkusioa), Tony Kelsey (mandolina eta gitarra baritono eta akustikoak) eta Matt Worley (banjoa, gitarra baritonoa eta akustikoak) eta cuatro-a.
Taldearen kontzertu baten inguruan, Toni Woodwardek honako hau idatzi zuen Americana UK webgunean: "Saving Grace-ren emanaldia irekitzen duen kantuak,"Undone In Sorrow", oso ondo azaltzen du kontzertuaren izaera, sentiberatasunez betetako moldaketen eragina eta musikari horren talentudunen bat egitetik sortzen den dinamikaren eragina. Suzi Dian-ena da ahots nagusia, bere kalitate eufonikoak arteto mitiko hartan oihartzun egiten zuela, crescendo zein diminuendo hunkigarriak eginez gainerako bandako gainerako kideekin. Bost musikariek harmonia loriatsuan lan egiten dute hasieratik bukaerara, hainbat iturritatik bildutako bertsio ezberdinen aukeraketa berriz landuz, bidaia musikal bat eratuz bere forma benetakoenean. [...] Bost musikari horiek laurogeita hamar minutuan musika gorena eskaini dute, besteen konposizioen interpretazio nabarmenekin; kantu horietarako hurbilketa berritzailea aurkeztu dute, betiere horien benetako funtsari eutsiz. Gainera, odisea honi esker ona, talentu musikala eta poza dakarzkion izpiritu batekin ekin diote: benetan poza transmititzen duen banda bat dira!".
Robert Plant & Saving Grace taldeak hiru kontzertu baino ez ditu iragarri irailean Espainian: Donostian aritzeaz gain, Ourensen (irailaren 9an) eta Bartzelonan (irailaren 12an) ere joko dute.
Robert Plant & Saving Grace ft Suzi Dian
Irailaren 10a, igandea, 19:30etan. Kursaal Auditorioa. 60 €
Sarrerak salgai maiatzaren 5ean
