Gaurkotasuna / 3 azaroa, 2025
• Kontzertu honetarako sarrerak azaroaren 7an jarriko dira salgai, 11:30ean.
• Eszena Kideek 48 orduko aurresalmenta izango dute, azaroaren 5etik 7ra.
Azaroaren 7an, 11:30ean, irekiko da Anastaciak 2026ko udazkenean Kursaal Eszenan emango duen kontzerturako sarreren salmenta orokorra; kontzertua izango da 2026ko urriaren 22an (19:30) Kursaal Auditorioan. Salmenta orokor hori hasi baino lehen, Eszena Kide programari atxikitako pertsonek aurresalmenta baliatu ahalko dute azaroaren 5 asteazkenean, goizeko 11:30etan hasi eta azaroaren 7ko 11:20ak arte luzatuko den. Sarrerek 55 euroko prezio bakarra dute (-%10 Eszena Kideentzat) eta Kursaaleko leihatiletan eta www.kursaal.eus webgunean erosi ahal izango dira (helbide hau da sarrerak online saltzeko kanal baimendun bakarra).
Poparen ikono bihurtuta, Anastacia Donostian izango da #NTKTour 2026 nazioarteko biraren barruan. Horretan salmenta zerrenden buru izan diren bere arrakastak ospatuko ditu, eta kontzertu sorta benetan berezia izango dela agintzen du. Anastaciaren eskari izugarriaren ondoren dator bira, Not That Kind 25th Anniversary biraren arrakastaren ondoren: sarrerak agortu ditu eta Anastaciak 64 kontzertu eman zituen Erresuma Batuan eta Europan. Zuzeneko emanaldiez gain, Anastaciak «Not That Kind» albumaren edizio berezia atera du Legacy Re-cordings-en bitartez.
Musikaren historiako ahots boteretsu eta ezagunenetako baten jabe, Anastacia nazioarteko pop izarrak 1999an ekin zion bere ibilbideari, eta bi urte geroago "munduan gehien saldu duen emakumezko pop artista hasiberri” bihurtu zen. Besteak beste, "I 'm Outta Love", "Paid My Dues" eta "Left Outside Alone" arrakasta handiak abestu dituen ahots bereziak 30 milioi disko baino gehiago saldu ditu mundu osoan. Bere ibilbidean zehar, Anastaciak 225 sari baino gehiago jaso ditu 31 herrialdetan eta lehen postua lortu du 19 herrialdetan; horri esker, nazioarteko musika-panoraman eragin handien duen artistetako bat bihurtu da. "I 'm Outta Love" debutaren 22. urteurrena ospatu ondoren, artistak bira luzea egin zuen Erresuma Batu-an eta Europan zehar, "I' m Outta Lockdown – The 22nd Anniversary Tour" izenburupean. 2023an, Anastaciak kapitulu berri bat ireki zuen bere ibilbidean "Our Songs" proiektuarekin, Alemanian zehar egindako biran aurkitutako melodia handien inguruan; izan ere, bere ibil-bidearen hasieratik jarraitzaile ugari izan ditu Alemanian eta 3 milioi album baino gehiago saldu ditu han.
ANASTACIA
2026ko urriaren 22a, 19:30ean. Kursaal Auditorioa. 55 €
