Gaurkotasuna / 23 apirila, 2024
- Apirilaren 28an, igandea, 19:00etan, Kursaal Auditorioan.
- Azken hamarkadetako pianoaren figura handienetako bat, gero eta ezohikoagoa da errezitaldian entzun ahal izatea.
- Sarrerak salgai kursaal.eus atarian eta Kursaaleko leihatiletan, % 10eko deskontuarekin ESZENA KIDEentzat.
Apirilaren 28an, igandea, Christian Zacharias pianista, aspaldiko ezaguna Donostian, batez ere Musika Hamabostaldira egindako bisitengatik, hirira itzuliko da Kursaal Eszenako musika klasikoko denboraldian errezital bat emateko. Klasizismoaren graziatik erromantizismoaren grinara eta barroko frantsesaren sakontasunera doan programa bati esker, Zachariasek bere musika-errepertorio zabalaren aberastasuna eta aniztasuna erakutsiko ditu. Kursaal Auditorioan izango da, 19:00etan.
Christian Zacharias alemaniarra munduko pianistarik ospetsuenetako bat da, Maria Joao Pires, Elisabeth Leonskaja edo Grigori Sokolov bezalako artista handien belaunaldikoa. Bere osotasun musikalak eta ezagutza musikal sakonak, komunikatzaile poetiko eta karismatiko gisa dituen trebetasun paregabeekin eta presentzia eszeniko liluragarriarekin batera, orkestra-zuzendari, jaialdi-zuzendari, musika pentsalari, idazle zein irrati-esatari eta dokumentalen egile gisa duen errekonozimendu handia ekarri diote. Piano kontzertista ibilbideaz gain, zuzendari eta orkestra nagusiekin errezitalak eta kontzertuak eskaintzen ditu mundu osoan zehar, eta zuzendari gisa, ospe handieneko orkestrak zuzentzen ditu. 2021/2022 denboralditik Granada Hiria Orkestraren zuzendari gonbidatu nagusia da, 2020tik 2023ra Do Porto Casa da Musica Orkestra Sinfonikoaren zuzendari gonbidatua, eta Orchestre National Auvergne Rhône-Alpes orkestraren zuzendari elkartua ere bada. 2020an, Bukaresteko George Enescu Orkestra Filarmonikoko ohorezko zuzendari izendatu zuten. Sari ugari jaso ditu, besteak beste, 2007an Midem Classical Award "Urteko Artista" saria Cannesen. 2009an Errumanian kulturari egindako ekarpenengatik saritua izan ondoren, Frantziako gobernuak "Officier dans l 'Ordre des Arts et des Lettres" izendatu zuen. Lausanako Ganbera Orkestrako zuzendari artistiko eta nagusi izan zen denboran grabazio asko egin zituen kritikak goretsitako orkestrarekin; horien artean Mozarten pianorako kontzertuen ziklo osoa nabarmentzen da, Diapason d 'Or, Choc du Monde eta ECHO Klassik irabazi zituena.
Egitarauari dagokionez, kontzertuaren lehen zatia estilo klasikoko bi sonatek osatzen dute: Haydnen 58. Sonata eta Schuberten 17. Sonata. Kontzertuaren bigarren zatian, berriz, Zachariasek Couperin eta Scarlattiren errepertorio barrokoaren eta XX. mendearen lehen erdialdeko Poulencen piezen arteko konbinazio burutsua proposatzen du.
Kontzertu honetarako sarrerak www.kursaal.eus webgunean eta Kursaaleko leihatiletan eros daitezke, % 10eko deskontuarekin ESZENA KIDEentzat. ESZENA KIDE ekimenak hainbat abantaila eskaintzen dizkio publikoari, Kursaal Eszenako programazioko ekitaldietarako sarrerak erosten baititu; alta doakoa da eta kursaal.eus webgunean edo Kursaaleko leihatiletan egin daiteke.
CHRISTIAN ZACHARIAS
Apirilak 28 igandea, 19:00. Kursaal Auditorioa. 35 / 28 / 22 / 18 / 11 €
