ABERRI EGUNA – EH BATERA

Donostiako Kursaalen, batera elkartzeko herri gisako hitzordua egingo dugu. 9 egun lehenago, Aberri Egunera eramango gaituen astea zabaldu nahi dugu, besteak ez bezalako ekitaldi indartsu batekin.

Bagara nor, Badugu zer egin.

Ekitaldiaren oinarria kultur pieza bat izango da. Euskara leku bat bezala diseinatzen duen ekitaldiak dantza, hitza eta kantua txirikordatuko ditu. Ikuskizun artistiko honetan hainbat sortzaileren pentsaera eta ideia eszenikoak batuko dira, besteak beste: Manex Fuchs, Lorea Agirre eta Martxel Rodriguez.