Segurtasun neurriak Covid-19aren aurrean

cerrar

Maskara erabiltzea derrigorrezkoa da uneoro, sarreran, irteeran eta ikuskizunean zehar.

Sarreran derrigorrezkoa izango da bertan egongo den gel hidroalkoholikoarekin eskuak garbitzea

Errespetatu segurtasun-distantzia eta bete aretoko langileen jarraibideak eraikinera sartzeko eta irteteko.

Ikuskizunetara behar besteko aurrerapenarekin etortzea gomendatzen da.

Ikusleak eserlekuetan eserita egon behar dute ikuskizun osoan zehar.

menu

56 Jazzaldia / SÍLVIA PÉREZ CRUZ: FARSA CIRCUS BAND

56 Jazzaldia / SÍLVIA PÉREZ CRUZ: FARSA CIRCUS BAND

Kursaal Auditorioa

uztaila 2021
igandea 25, 17:30

facebook  facebook

Sílvia Pérez Cruz (ahotsa), Marco Mezquida (pianoa, teklatuak), Aleix Tobías (perkusioa), Mario Mas (gitarrak), Bori Albero (kontrabaxua), Carlos Montfort (biolina)

Sílvia Pérez Cruz artista paregabea da. 2012an bere aurreneko diskoa kaleratu zuenetik jarraitu du goraipamenak jasotzen, etengabeko bilakabidean, jorratu ez diren bideetatik beti, estilo desberdinei heltzeko duen gaitasun harrigarri horrekin, berdinik ez duen berezko ukitu horri eutsita, ahots-erregistro miragarria eta sortzetiko karisma eszenikoa baititu ezaugarri. Berea da, zalantzarik gabe, azken garai hauetan agertu den ahotsik zirraragarrienetako bat.

Kanta iberiarrak eta latinoamerikarrak entzuten hazi zen abeslari hau, eta lau urte zituela hasi zen musika ikasten; musika klasikoaren eta Jazzaren arloetan jaso zuen prestakuntza. Solfeoa, saxoa, pianoa, kaxa, harmonia, Jazz kantua eta flamenkoa, inprobisazioa, moldaketak, konposizioa… ikasi zituen, eta Jazz kantuan lizentziatu zen ESMUCen. Bere ibilbidean zehar hainbat artistarekin kolaboratu du, hauekin besteak beste: Eliseo Parra, Lluís Lack, Gino Paoli, Stefano Bollani, Rocio Molina, Jorge Drexler, Hamilton de Holanda, Toquinho, Joan Manuel Serral, Javier Colina, Raül Refree…

Joan den urtean Kursaalen eman zuen kontzertua, Marco Mezquidarekin, 55. Jazzaldiaren gertaera gogoangarrietako bat izan zen. Edizio honetara proiektu berri batekin dator, 2020ko apirilean kaleratutako azken diskoan oinarritutakoarekin: Farsa (género imposible). Diskoa beste diziplina artistiko batzuekin —antzerkia, zinema, dantza, poesia, pintura, argazkilaritza edo animazio-zinema—izandako elkarrizketatik sortua da, eta artistari hainbat gaik eragiten dioten kezkari erantzuten dio: erakusten denaren eta benetan garenaren dualtasuna, barne-barnean dugunaren, intimoaren, hauskortasunak bizirik dirauen modua, gainazala hain suntsitzailea den garai hauetan, non nahastera iris daitezkeen ikusten dena eta entzuten dena.

Farsa Circus Band, diskoa aurkezteko sortutako taldea, musikari handiek osatua da, Pérez Cruzen belaunaldi berekoek, eta haiekin elkartu da, bakoitzak bere bidetik jarraitu izan duten urte askoren ondoren.

Eragilea
Jazzaldia



Partekatzea
facebook  facebook