Segurtasun neurriak Covid-19aren aurrean

cerrar

Maskara erabiltzea derrigorrezkoa da uneoro, sarreran, irteeran eta ikuskizunean zehar.

Sarreran derrigorrezkoa izango da bertan egongo den gel hidroalkoholikoarekin eskuak garbitzea

Errespetatu segurtasun-distantzia eta bete aretoko langileen jarraibideak eraikinera sartzeko eta irteteko.

Ikuskizunetara behar besteko aurrerapenarekin etortzea gomendatzen da.

Ikusleak eserlekuetan eserita egon behar dute ikuskizun osoan zehar.

Gaurkotasuna / 12 urtarrila, 2023

  • Pianista japoniarra eta Claudio Abbadok eta Daniel Hardingek bultzatutako orkestra duela hamar urte ari dira elkarlanean Mozarten pianorako kontzertuen inguruan.
  • Mitsuko Uchida 2021eko Musika Hamabostaldian izandako arrakastaren ondoren dator Donostiara, eta Kursaal Eszenan aritzeaz gain aurten Hamabostaldian ere izango da.
Ostiral honetan, urtarrilaren 13an, Mitsuko Uchidak, mundu mailako erreferente eta Mozarten egungo interprete onenetako batek, kontzertua emango du Kursaal Eszenan Mahler Chamber Orchestrarekin (MCO) batera. Egitarauak Mozarten 25. eta 27. pianorako kontzertuak eta Arnold Schoenbergen 1. ganbera sinfonia biltzen ditu.

Mitsuko Uchida eta Mahler Chamber Orchestraren arteko lankidetza 2013. urtean abiatu zen eta Mozarten pianorako kontzertuen interpretazioan oinarritzen da. 2020an, The Guardian egunkari britainiarra honela mintzatu zen proiektuari buruz: "Uchidak eta orkestrak, zentzurik onenean, bizitza luzea elkarrekin bizi izan duten senar-emazteak dirudite sarritan , bakoitzak bestearen esaldiak amaituz". Elkarrekin ematen dituzten kontzertuek formatu bera jarraitzen dute beti: Mozarten pianorako bi kontzertu, Uchidak jo eta zuzenduak, eta horien artean orkestrak bakarrik interpretatutako pieza bat. Kursaal Eszenako kontzertuarekin amaituko da Uchidak eta MCOk Alacanten, Lisboan, Bartzelonan eta Donostian barrena egindako bira laburra; bira hori Mahler Chamber Orchestrak bere 25. urteurrena ospatzeko aurreikusitako ekintzen artean dago.

Mitsuko Uchida, Donostian ohikoa. Aspaldi kultuzko interprete bihurtutako pianista japiniarrak 2021ean bisitatu zuen Donostia; haren Musika Hamabostaldiko debutak harrera bikaina izan zuen publikoaren aldetik, aretoa bete eta zutik jarrita txaloka jarri baitzuen; eta orduan kritikak zera esan zuen hari buruz: “beti dotore”, “bere musika-diskurtsoak, ezohiko esaldi-jartze batean oinarritua, badirudi ez duela pitzadurarik”, Uchidak bere soinu-aberastasunarekin eta musikaltasunarekin hipnotizatu gintuen, pianoaren aurrean nagusitasunez agertuz, gai bakoitzari berezko nortasuna eman zion. Artista bikaina”. Eta, ostiralean Kursaal Eszenan MCOrekin batera emango duen kontzertuaren ondoren, Mitsuko Uchida aurtengo abuztuan itzuliko da, berriro ere Hamabostaldian parte hartzeko; Jonathan Bissekin batera bi pianotan, Schuberten obrak interpretatuko ditu. Horrela, Uchida Kursaaleko ohiko bihurtu izanak aukera paregabea ematen dio publikoari pianista handi horren kategoria artistikoaz hiru erregistro desberdinetan gozatzeko.

Mahler Chamber Orchestra 1997an jaio zen, Claudio Abbado bere sortzaile eta aholkulariaren eta Daniel Harding ohorezko zuzendariaren eskutik, jomuga izanik musika klasikoan esperientzia apartak sortu eta partekatzeko helburu duen orkestra aske eta internazional bat eraikitzea. 20 herrialdetako 45 kiderekin, orkestra nomada bat da, modu kolektiboan arautzen dena eta bost kontinenteetako 40 herrialdetan baino gehiagotan aurkeztu dena. Berrikuntza artistikoa oinarri hartuta musika klasikoaren garapena hainbat ikuspegitatik sustatuko duten sinergiak sortzeko asmoz, MCOk epe luzerako proiektuak lantzen ditu bazkide artistikoen sare batekin, funtsezko kontzeptu, gai edo errepertorioetan arreta jarriz. Egun lankide ditu Mitsuko Uchida eta Leif Ove Andsnes pianistak, Pekka Kuusisto biolinista, Daniel Harding, ohorezko zuzendaria, eta Daniele Gatti, aholkulari artistiko gisa.

MAHLER CHAMBER ORCHESTRA & MITSUKO UCHIDA, pianoa Urtarrilaren 13a, 20:00. Kursaal Auditorioa. 62 / 50 / 40 / 32 / 11 €

Mozarteum Salzburg Orkestrak eta Viviane Hagner biolinistak emango diote hasiera Kursaal Eszenako musika klasikoaren denboraldi berriari

Europako musika-erakunde zaharrenetako bat eta Mozarten obraren gordailuzain onena Trevor Pinnock zuzendari beteranoaren zuzendaritzapean iritsiko da Donostiara. Viviane Hagnerrek Mendelssohnen Biolinerako kontzertua mi minorren interpretatuko du. Sarrerak salgai www.kursaal.eus webgunean eta Kursaaleko leihatiletan. Datorren asteazkenean, […]

Mitsuko Uchida, pianoaren figura handienetako bat, Kursaal Eszenan, Mahler Chamber Orchestrarekin batera

Pianista japoniarra eta Claudio Abbadok eta Daniel Hardingek bultzatutako orkestra duela hamar urte ari dira elkarlanean Mozarten pianorako kontzertuen inguruan. Mitsuko Uchida 2021eko Musika Hamabostaldian izandako arrakastaren ondoren dator Donostiara, eta Kursaal Eszenan aritzeaz gain […]

Tabakaleran sortutako Estel obra Kursaaleko Gabonetako argiztapenaren protagonista da

● Kursaalek berriz ere Tabakalera izan du kide, zehazki, Medialab sorkuntza eta kultura digitalerako gunea, arte digitalerako proposamen berri bat garatzeko. ● Alba G. Corral da Estel programazio algoritmoak eta denbora errealean sortutako pintura digitala […]