Segurtasun neurriak Covid-19aren aurrean

cerrar

Maskara erabiltzea derrigorrezkoa da uneoro, sarreran, irteeran eta ikuskizunean zehar.

Sarreran derrigorrezkoa izango da bertan egongo den gel hidroalkoholikoarekin eskuak garbitzea

Errespetatu segurtasun-distantzia eta bete aretoko langileen jarraibideak eraikinera sartzeko eta irteteko.

Ikuskizunetara behar besteko aurrerapenarekin etortzea gomendatzen da.

Ikusleak eserlekuetan eserita egon behar dute ikuskizun osoan zehar.

Gaurkotasuna / 21 azaroa, 2022

  • Gontzal Mendibilen zuzendaritzapean, azaroaren 26an, larunbata, antzeztuko da, Kursaal Eszenaren denboraldiaren barruan.
  • Sarrerak webgune honetan eta Kursaaleko leihatiletan.

Azaroaren 26an, larunbata, Kursaal Eszenaren denboraldiak Kursaal Auditorioan "Hazia" musikala hartuko du, Gontzal Mendibilek sortutako Jose Maria Arizmendiarrieta Mondragonen eredu kooperatiboaren sustatzailearen errepresentazio artistikoa.

Musikalak Jose Maria Arizmendiarrietaren bizitzako etapak errepasatzen ditu, 1936ko gerra garai latzetatik hasi eta, 1941etik aurrera, enpresak berpiztu eta Arrasate-Mondragonera iritsi zenetik izan zuen proiekzioraino. Tokiko historia da, baina unibertsala ere bada aldi berean.

Obra musikalak Arizmendiarrietak bere ikuspegi sozialaren bidez irakatsi zituen ideiak, bizipenak eta balioak jasotzen ditu, kontatutako eta abestutako kontakizun baten gainean, eszena, koreografia eta irudi ilustratuen bidez, publikoa liluratzeko helburuarekin, “emozioa inplizituki inplikatzen duten ekintzen bidez”, ikuskizunaren sinopsian aipatzen den bezala.

Gontzal Mendibilen zuzendaritzapean – gidoiaren eta musikaren egilea ere bada, eta abeslari eta narratzaile gisa parte hartzen du eszenan –, talde artistiko zabala arduratzen da “Hazia” musikalari oholtzaren gainean forma emateaz. Aktoreen artean daude Arkaitz Gartziandia (Arizmendiarrietaren paperean), Ainhoa Tabuyo, Maddi Otamendi, Eneko Asiain, Xanti Korkostegi, Diana Irazabal, Begoña Rodriguez, Txomin Maidagan, Benito Patxeko, Antton Fernandez, Alberto Mendigutxia, Alfonso Diez, Samuel Gibert, Aritz Salamanca, Amaia Barasorda, Adriano Herreros eta Oier Zapiain. Musika, Gontzal Mendibilek sortu eta José Luis Canalek moldatua, alderdi instrumentalari dagokionez, Jose Luis Canalek berak, Angel Unzuk, Raul Verak, Rober Caballerok, Igor Telletxeak, Iker Telleriak, Maider Zapiainek, Iñaki Dieguezek, Joe Gonzalezek eta Jurdana Otxoak interpretatuko dute. Abesbatza-atalak kantatuko dituzte Easo Abesbatzak (Gorka Mirandak zuzentzen du) eta Goikobalu Abesbatzak (Iñaki Maidaganen zuzendaritzapean). Aritz Salamanca da eszena koreografikoen sortzailea eta Ohika Dantza taldeak interpretatuko du, Salamancarekin batera: Nerea Arregi, Katerin Artola, Sua Enparantza, Mattin Etxebeste, Antton Fernández, Aitor Garcia, Jone Mendiluze, Mederi Orbiso, Amaia Ostolaiz, Iker Sanz eta Ane Urruzola. Bestalde, Margarita Artiles da muntaia osatzen duten irudien diseinu eta edukiaren egilea, eta ilustrazioak Pedro Diaz Bonenak dira.

“Hazia” Arrasateko Amaia Antzokian estreinatu zen irailaren 17an eta urriaren 1ean Bilboko Arriaga Antzokian. Kursaal Auditoriotik igaro ondoren, musikalak hainbat eukal herritan barrena jarraituko du bere ibilbidea.

Kursaal Auditorioan “Hazia” musikala ikusteko sarrerak www.kursaal.eus webgunean eta Kursaaleko leihatiletan eros daitezke.

“HAZIA” MUSIKALA
Azaroaren 26 larunbata, 20:00. Kursaal Auditorioa. 30 €

Hazia, Jose Mari Arizmendiarrietaren ibilbidea islatzen duen musikala, Kursaal Auditoriora iritsiko da

Gontzal Mendibilen zuzendaritzapean, azaroaren 26an, larunbata, antzeztuko da, Kursaal Eszenaren denboraldiaren barruan. Sarrerak webgune honetan eta Kursaaleko leihatiletan. Azaroaren 26an, larunbata, Kursaal Eszenaren denboraldiak Kursaal Auditorioan “Hazia” musikala hartuko du, Gontzal Mendibilek sortutako Jose Maria […]

“Parade, el circo de los valientes” familientzat eta Piotr Beczala tenorraren errezitaldia, Kursaal Eszenako hurrengo proposamenak

Parade, La Maquiné konpainiaren “El circo de los valientes”, larunbat honetan, hilak 12, Kursaaleko ganbera aretoan. Piotr Beczala azaroaren 15ean, asteartean, itzuliko da Kursaalera. Sarrerak salgai webgune honetan eta Kursaaleko leihatiletan. Datozen egunetan bi dira […]