Segurtasun neurriak Covid-19aren aurrean

cerrar

Maskara erabiltzea derrigorrezkoa da uneoro, sarreran, irteeran eta ikuskizunean zehar.

Sarreran derrigorrezkoa izango da bertan egongo den gel hidroalkoholikoarekin eskuak garbitzea

Errespetatu segurtasun-distantzia eta bete aretoko langileen jarraibideak eraikinera sartzeko eta irteteko.

Ikuskizunetara behar besteko aurrerapenarekin etortzea gomendatzen da.

Ikusleak eserlekuetan eserita egon behar dute ikuskizun osoan zehar.

menu

Les Arts Florissants-eko Orkestra eta Koruak inauguratuko dute Kursaal Eszenako musika klasikoaren denboraldia

Gaurkotasuna / 7 urria, 2022

  • William Christiek sortu eta zuzentzen duena munduko talde barrokorik ospetsuenetako bat da
 
  • Sarrerak salgai www.kursaal.eus webgunean eta Kursaaleko leihatiletan.
  Urriaren 12an, asteazkena, Kursaal Eszenak bere musika klasikoko denboraldia irekiko du, Kursaal Auditorioko eszenatokira igoko den Les Arts Florissants taldearen eskutik. XVII. eta XVIII. mendeetako errepertorio barrokoa berreskuratzen aitzindari izan den garaiko instrumentuekin musika barrokoa interpretatzen espezializatutako abeslari eta instrumentista taldea da Les Arts Florissants. William Christieren zuzendaritzapean, L 'allegro il penseroso ed il moderato interpretatuko du, XVIII. mendeko Barrokoaren ordezkari nabarmenetako Haendelen pieza originalenetako bat den pastoral oda.

1979an William Christiek sortu zuen Les Arts Florissants taldea nazioartean gehien eskatzen diren ahots eta instrumentu talde barrokoetako bat bihurtu da, eta horrek kontzertu-jarduera bizia garatzera eraman du. William Christie edo Paul Agnew zuzendarien gidaritzapean, urtean ehun kontzertu eta opera-emanaldi inguru ematen ditu. 2015etik Parisko Philharmonien du egoitza, eta lotura berezia du, halaber, Frantziako Vendée eskualdearekin. Hortik mundu osoko aretorik ospetsuenetara abiatzen da. Taldearen diskografia ehun bat grabaziok osatzen dute eta Harmonia Mundirekin elkarlanean bere bilduma propioa du. Gainera, Les Arts Florissants-ek musikari gazteentzako hainbat hezkuntza-programa sustatzen ditu eta ekitaldi ugari antolatzen ditu audientzia berriak sortzeko.

William Christie (Buffalo, 1944) antzinako musikaren erreferentea da. Klabezinista, zuzendaria, musikologoa eta irakaslea, bere karrerak norabide berri bat hartu zuen 1979an Les Arts Florissants sortu zuenean. Talde horren buruan, geroztik arrakasta ugari lortu ditu Frantziako eta Europako errepertorio barrokoak ardatz hartuta. Bere opera-ekoizpen berrienen artean nabarmentzen dira: Haendel Jephtha eta Ariodante, Parisko Opéra National-en eta Vienako Estatuko Operan, hurrenez hurren; Europako bira batean The beggar 's opera eta Salzburgoko Jaialdian Monteverdiren L' incoronazione di Poppea. Zuzendari gonbidatu gisa, sarritan aritzen da zuzendari nazioarteko opera jaialditan, esaterako Glyndebourneko Jaialdian (2018an Giulio Cesare in Egitto zuzendu zuen han) eta opera-aretoetan zuzentzen du sarritan (horien artean, Metropolitan Opera House eta Zuricheko Opernhaus). 2002 eta 2007 artean, Berlingo Filarmonikoko zuzendari gonbidatua izan zen aldizka.

Kontzertu honetarako sarrerak www.kursaal.eus webgunean eta Kursaaleko leihatiletan eros daitezke.

Musika Klasikoko Abonua. Kursaal Eszena-k Musika Klasikoko Abonu bat du publikoaren eskura, urritik 2023ko urtarrilera bitartean Kursaal Eszenako musika klasikoaren denboraldia osatzen duten bost hitzorduez (Les Arts Florissants, Scapino Ballet Rotterdam «Casablanca», Piotr Beczala, Il Giardino Armonico, Mahler Chamber Orchestra & Mitsuko Uchida) sarrera solteekiko % 20 deskontuaz gozatzeko, beste zenbait abantailekin batera. Abonua www.kursaal.eus webgunean eta Kursaaleko leihatiletan eros daiteke urriaren 12ra arte.

LES ARTS FLORISSANTS
Urriaren 12 asteazkena, 19:00. Kursaal Auditorioa. 50 / 40 / 32 / 26 / 11 € 

C de C 2023

C de C 2023a Kursaalen ospatu da aurten ere, komunikazioaren eta marken industriaren topaketa handiena, XX. edizioa ospatuko duena. Ana Pastor kazetaria, Eduardo Casanova aktore eta zuzendaria, Pelle Sjönell Activisioneko zuzendari nagusi sortzailea eta Laura […]

Jakub Józef Orlińskik opera barrokoko ariak biltzen dituen “Facce d ‘amore” lana aurkeztuko du Kursaal Eszenan

Franceso Cortik zuzenduko duen il pomo d ‘oro ensemblearekin batera. Poloniako kontratenor gazteak arrakasta handia lortu du nazioartean, bai zuznekoan eta baita bakarkako grabazioengatik ere. Martxoaren 29an, asteazkenarekin, Jakub Józef Orliński kontratenor poloniarra Kursaal Eszenako […]

Zaz abeslari frantziarra, ostiral honetan Kursaal Eszenan

Bere bosgarren diskoa, Isa, zuzenean aurkeztuko du. Sarrerak salgai www.kursaal.eus webgunean eta Kursaaleko leihatiletan. Ostiral honetan (martxoak 17), Zaz abeslari frantziarrak irekiko du Kursaal Eszenako musika herrikoiaren programazioa; Organique Tour biraren baitan, bere bosgarren diskoa […]