Gaurkotasuna / 13 uztaila, 2022
Kongresuak indar haundiz itzuli dira lehen seihileko honetan Donostiara. Kursaalen eta Miramar Jauregian 12 kongresu ospatu dira, horietatik 8 nazioartekoak, baita 59 jardunaldi eta konbentzio ere, eta 15.000 parte-hartzaile izan dira guztira. Zientzia, sormena, heziketa eta giza eskubideak izan dira udaberriko biltzar-jardueraren ardatz: Kursaalen, GEICAM Taldearen Nazioarteko 14. Sinposioa, SOSORT Nazioarteko Kongresua, Polimeroen GEP-SLAP Nazioarteko Kongresua, Hematologia eta Hemoterapiako Euskal eta Nafarroako Elkartearen ASOVASNA Biltzarra, Munduko Biktimologia Erakundearen Nazioarteko Sinposioa, WFCP 2022 Lanbide Heziketari buruzko Nazioarteko Kongresua edo eta Club de Creativosen Biltzarra, marketin eta komunikazio industriaren topaketarik handiena, izan dira, besteak beste. Chemontubes 2022, Qens/Wins 2022 eta Statistical Learning (BCBL) biltzarrak berriz Miramar Jauregian ospatu dira. 
