Segurtasun neurriak Covid-19aren aurrean

cerrar

Maskara erabiltzea derrigorrezkoa da uneoro, sarreran, irteeran eta ikuskizunean zehar.

Sarreran derrigorrezkoa izango da bertan egongo den gel hidroalkoholikoarekin eskuak garbitzea

Errespetatu segurtasun-distantzia eta bete aretoko langileen jarraibideak eraikinera sartzeko eta irteteko.

Ikuskizunetara behar besteko aurrerapenarekin etortzea gomendatzen da.

Ikusleak eserlekuetan eserita egon behar dute ikuskizun osoan zehar.

Gaurkotasuna / 3 martxoa, 2022

Presentzialtasunera itzuli eta sektorea suspertu egin den urtean 265 ekitaldi egin dira Kursaalen eta 155 Miramar Jauregian Kursaalek gaur goizean aurkeztu du prentsaurrekoan 2021eko jardueraren balantzea. Oraindik murrizketa sozio-sanitarioek markatutako urtea, baina jardueraren susperraldian goranzko joera erakutsi duena. Edukiera-murrizketek eta mugikortasunaren eta ordutegien mugek nabarmen baldintzatu zuten urtea. Urrira arte ez zen nolabaiteko normaltasuna berreskuratu, eta, beraz, jardueraren hazkundea urteko azken hiruhilekoan izan zen nagusi.   Kursaal Zentroak 2,7 milioi euroko negozio-bolumena lortu du iaz, 2020an baino % 69 gehiago. Hala ere, 2019an lortutakoa baino % 37 gutxiago izan da, eta, beraz, gastu arrunta ahalik eta gehien eustera behartuta egon da, eta Kursaaleko ekosistema osoaren ahalegin partekatuari esker, 2021eko diruzaintza operatiboaren defizita % 55 murriztea lortu du, -283.611 eurokoa izateraino. Nolanahi ere, pandemia aurreko urteetan lortutako emaitza ekonomiko bikainak kontuan hartuta, Kursaal Sozietatea osatzen duten bi erakundeek (Donostiako Udala eta Gipuzkoako Foru Aldundia) ez dute kanpoko finantzaketarik behar izan gastu arruntari aurre egiteko, ezta 2020-2021 ekitaldian egindako inbertsioak (738.489 euro) finantzatzeko ere.   Pandemiak eragindako mugak direla-eta urte zaila izan den arren, 2021ean 265 ekitaldi egin dira Kursaalen, horietatik 130 bileren kategorian eta 135 kultur ikuskizunetan. Guztira, 178.083 bertaratu izan dira. Zenbaki hauek Covid-19a sartu aurretik lortutako emaitzetatik urrun badaude ere, 2020an baino % 74 ekitaldi gehiago izan dira. Honek agerian uzten du jarduera pixkanaka suspertzen ari dela eta bileren arloko presentzialtasunera itzultzen ari dela. Horrek guztiak 18 milioi euroko inpaktu ekonomikoa eragin du Gipuzkoan ( 2020an, aldez, 8 milioi eurokoa izan zen). Etorkizunari begira baina, hazkunde-marjina du, aurrez aurreko biltzar-jarduera berreskuratzearen eskutik.   Deskargatu prentsa-oharra.  

Hazia, Jose Mari Arizmendiarrietaren ibilbidea islatzen duen musikala, Kursaal Auditoriora iritsiko da

Gontzal Mendibilen zuzendaritzapean, azaroaren 26an, larunbata, antzeztuko da, Kursaal Eszenaren denboraldiaren barruan. Sarrerak webgune honetan eta Kursaaleko leihatiletan. Azaroaren 26an, larunbata, Kursaal Eszenaren denboraldiak Kursaal Auditorioan “Hazia” musikala hartuko du, Gontzal Mendibilek sortutako Jose Maria […]

“Parade, el circo de los valientes” familientzat eta Piotr Beczala tenorraren errezitaldia, Kursaal Eszenako hurrengo proposamenak

Parade, La Maquiné konpainiaren “El circo de los valientes”, larunbat honetan, hilak 12, Kursaaleko ganbera aretoan. Piotr Beczala azaroaren 15ean, asteartean, itzuliko da Kursaalera. Sarrerak salgai webgune honetan eta Kursaaleko leihatiletan. Datozen egunetan bi dira […]