Segurtasun neurriak Covid-19aren aurrean

cerrar

Maskara erabiltzea derrigorrezkoa da uneoro, sarreran, irteeran eta ikuskizunean zehar.

Sarreran derrigorrezkoa izango da bertan egongo den gel hidroalkoholikoarekin eskuak garbitzea

Errespetatu segurtasun-distantzia eta bete aretoko langileen jarraibideak eraikinera sartzeko eta irteteko.

Ikuskizunetara behar besteko aurrerapenarekin etortzea gomendatzen da.

Ikusleak eserlekuetan eserita egon behar dute ikuskizun osoan zehar.

Gaurkotasuna / 17 azaroa, 2021

  • Kursaal Eszenaren eskutik, Jarousskyk VIII. mendeko kantuaren bi munstro, eta betiereko aurkari horiek berreskuratuko ditu, Julien Chauvinek zuzentzen duen Le Concert de la Loge taldeak lagunduta.
Azaroaren 22 astelehenean, Philippe Jaroussky kontratenorra, egungo ahotsik ikonikoetakotzat jotakoa,  Kursaal Eszenaren programaziora itzuliko da, 2017an lortutako arrakastaren ostean. Kursaal Auditorioan (19:30ean) izango den kontzertu horrek itxiko du frantziar kontratenorrak, Farinelli vs Carestini izenburupean, XVIII. mendeko kantuaren bi izar horiei eskainitako kontzertu-bira. Philippe Jaroussky nazioarte mailako kontratenor nagusienetako bat da. Bere teknikak ñabardura ausartenak eta piroteknia ikusgarrienak egitea ahalbidetzen dio, beti publikoaren emozioa piztu asmoz, eta errepertorio oso zabala lantzen du: Barrokotik hasi (XVII.eko dotorezia, Monteverdi, Sances edo Rossi konpositoreak barne direla, eta  Haendel edo Vivaldiren birtuosismoa) eta musika garaikidera arte. Musika ikerketan murgilduta, besteak beste, Caldara, Porpora, Steffani, Telemann edo Johann Christian Bachen obra berreskuratu ditu. Barrokoko musika lantzen duten talde esanguratsuenekin aritu ohi da: Les Arts florissants, Ensemble Matheus, Les Musiciens du Louvre, Le Concert d'Astrée, Le Cercle de l'Harmonie, Europa Galante eta abar, Christina Pluhar, William Christie, Jean-Christophe Spinosi, Marc Minkowski, René Jacobs edo Fabio Biondi zuzendariekin. Berariaz beretzako idatzitako musika estreinatu du (esaterako, 2014ko Salzburgeko Jaialdian Marc-André Dalbavieren Sonnets de Louise Labékantatu zuen). Azken urteotan, Cecilia Bartoli edo Nathalie Stutzmann kantariekin abestu du eta Ensemble Artaserse, berak sortutako orkestra barrokoaren zuzendari dihardu, musika klasikoa eskuragai egitea helburu duen bere musika eskola gidatzeaz gain, Parisen. Oraingoan Donostiara dakarren egitarauaren bidez, Jarousskyren asmoa da Farinelli eta Carestini castratien artea bereskuratzea; garaikide eta aurkariak,  XVIII. mendeko kantuaren bi munstro erraldoi bilakatu ziren birak. Horretarako, Haendelen eta baita Nicola Porporaren maisulanak oinarri hartu ditu eta horiek interpretatzeko lagun izango du antzinako instrumentuekin interpretazioan espezializatutako Le Concert de la Loge taldea. 2015ean Julien Chauvin biolinistak sortutako orkestra horrek helburu du XVII. mendeko frantziar musikan ezinbesteko izan zen Le Concert de la Loge Olympique orkestraren esentzia berreskuratzea. Kontzertu horretarako sarrerak eros daitezke Kursaaleko leihatilan  eta webgune honetan (hori da sarreren online salmentarako bide baimendu bakarra). Kursaal Eskura ekimenaren baitan, Zarautz, Zumaia eta Orioko udalekin elkarlanean, doako autobus zerbitzua izango da udalerri horietatik Philippe Jarousskyren kontzertura bertaratu eta emanaldiaren ondoren horietara bueltatzeko. Kontzertu horren ostean, Kursaal Eszenaren musika klasikoko programazioaren hurrengo hitzordua abenduaren 2an izango da: Alfonso Sebastián buru duen Sevillako Orkestra Barrokoak Bachen Brandenbourgeko Kontzertuak hizpide izango dituen kontzertua emango du, kontzertu horien 300. urteurrena betetzen den honetan. PHILIPPE JAROUSSKY. FARINELLI VS CARESTINI Azaroaren 22 astelehena, 19:30ean. Kursaal Auditorioa 55 / 44 / 35 / 28 / 11 €

Biltzarrak, udaberri honetako protagonista nagusiak

Kongresuak indar haundiz itzuli dira lehen seihileko honetan Donostiara. Kursaalen eta Miramar Jauregian 12 kongresu ospatu dira, horietatik 8 nazioartekoak, baita 59 jardunaldi eta konbentzio ere, eta 15.000 parte-hartzaile izan dira guztira. Zientzia, sormena, heziketa […]

Patti Smith

Irailean Patti Smith eta Emir Kusturicak ekingo diote ostera Kursaal Eszenaren denboraldiari

Bi kontzertuetarako sarrerak bihar, hilaren 5ean, jarriko dira salgai kursaal.eus webgunean eta Kursaaleko, goizeko 11:30etik aurrera. Denboraldiari hasiera Patti Smith rockaren ikur entzutetsuak emango dio, bere bandaz lagunduta, irailaren 28an. Urriaren 13an Emir Kusturica & […]

Munduko Biktimologia Elkartearen Nazioarteko 17. sinposioa

Kursaalen ospatu zen ekainaren 5etik 9ra, Munduko Biktimologia Elkartearen Nazioarteko 17. sinposioa. Bertan, 450 profesional, ikertzaile, politika-kudeatzaile, teknikari, ikasle, ekintzaile eta 50 nazionalitatetako boluntario baino gehiago bildu ziren. Ganbera-aretoa eta erabilera anitzeko aretoak izan ziren […]