Basque Railway 2020

Urtarrilaren 22an, Eusko Jaurlaritzako Ekonomiaren Garapen eta Azpiegitura Sailak, Euskotrenek eta Euskal Trenbide Sareak antolatuta, “Basque Railway 2020” izeneko nazioarteko IV. Trenbide Jardunaldia egin zen Kursaalean. Jardunaldi horretan, Euskal Autonomia Erkidegoan, Estatuan eta Europan sektorearen garapenarekin zerikusia duten 500 eragile baino gehiagoren presentziarekin, Laugarren Trenbide-Paketea indarrean sartzearen ondorioz abiadura handiko sare berriak martxan jartzearen eta trenbide-espazio europarraren liberalizazioaren aurrean planteatzen diren erronkei heldu zitzaien.

Ekitaldi horretan Europako trenbide-arloko erreferente nagusiek parte hartu zuten. Horien artean aipatzekoak dira jardunaldi baten irekieran parte hartu zuten François Davenne Trenbideen Nazioarteko Batasuneko (UIC) Zuzendari Nagusia, Arantxa Tapia Sailburuak eta José Luis Ábalos, Garraio ministroa.

Jardunaldiak Amurrio Ferrocarriles, Bombardier, CAF, Danobat, Dominion, Ekide, Ikusi, Ingeteam, JEZ Sistemas Ferroviarios, Talgo eta Thales enpresen laguntza izan zuen.