menu

Sala Zurriola: El Kursaal estrena nuevo espacio para reuniones

Gaurkotasuna / 13 iraila, 2018

Dada su situación, junto a la terraza del restaurante, la Sala Zurriola es un espacio luminoso y privilegiado del edificio, de 87 metros cuadrados, excelente para realizar pequeñas reuniones, con un aforo idóneo para 40 personas en formato teatro.

Con acceso a la terraza, la Sala Zurriola es el escenario ideal para pequeñas reuniones de empresa, presentaciones, charlas, ruedas de prensa, etc. El lugar es perfecto para que, tras la reunión o actividad de trabajo, el evento continúe con un  cóctel, aperitivo o café al aire libre, en la terraza con vistas al río y a la ciudad.

En cuando a la dotación tecnológica, la Sala Zurriola puede equiparse con todos los elementos audiovisuales e informáticos que requieran el cliente y organizador.

Más de 650 estrellas del grafeno se reúnen en San Sebastián

Gaurkotasuna / 10 iraila, 2018

Gaur hasi da Graphene Week 2018 nazioarteko kongresua Donostiako Kursaal Kongresu Jauregian, CIC nanoGUNE ikerketa-zentroak antolatuta. Graphene Week kongresua Graphene Flagship proiektuaren kongresu nagusia da. Eta Graphene Flagship proiektua, aldiz, Europaren historiako ikerketa-proiektu handienetako bat da, 150 bazkide baino gehiago dituena 1.000 milioi euroko aurrekontuarekin.

Jose Maria Pitarke nanoGUNEko zuzendariak eta kongresuko presidenteak gaur goizean ongietorria egin die 47 herrialdetatik etorritako 650 adituri. Grafenoaren eta bi dimentsioko beste materialen ikerketan adituak dira guztiak, eta Graphene Week kongresuan parte hartuko dute astebetez. “Euskal Herrian nanozientziaren arloan puntako ikerketa egitea da gure helburua, gure gizarteak nanoteknologiaren aurrerapenen aitzinean probetxua atera dezan”, adierazi du Pitarkek.

Kongresua egiteko Gipuzkoako hiriburua aukeratu izana, azken hamarkadetan EAEn ikerketaren eta berrikuntzaren alorrean egin den apustu garbiaren erakusleiho da. Izan ere, hainbat euskal ikerketa-zentro Graphene Flagship proiektuko kide dira, hala nola nanoGUNE eta bere start-up Graphenea, Tecnalia, energiGUNE eta biomaGUNE.

Iñigo Urkullu Lehendakaria izan da irekiera-ekitaldiaren buru. “Guretzat oso garrantzitsua da kongresu hau Donostian egitea, hiriburuko industria- eta teknologia-kultura ezagutarazteko. Horregatik, ongietorria egiten diogu etorkizuneko materialaren, alegia, grafenoaren ikerketari eta azterketari”, azpimarratu du Urkulluk.

Irekiera-ekitaldian parte hartu dute, halaber, Jose Maria Pitarke nanoGUNEko zuzendariak eta Graphene Week 2018 kongresuaren presidenteak, Jari Kinaret Graphene Flagship-eko zuzendariak, Jean-Francois Buggenhout  Europako Batzordeko goi-ordezkariak, Markel Olano Ahaldun Nagusiak, Arantza Tapia Ekonomiaren Garapena eta Azpiegituretako Sailburuak, Cristina Uriarte Hezkuntza Sailburuak eta Ainhoa Aizpuru Gipuzkoako Ekonomia Sustapeneko Foru Diputatuak.

Graphene Week 2018 nazioarteko kongresuaren helburua da grafenoaren eta bi dimentsioko beste materialen ikerketan lortu diren azken aurrerapausoak ezagutaraztea. Horretarako, jarduera-programa aparta prestatu dute: besteak beste, Andre Geim Fisikako Nobel saridunak eta energia-metaketan aditua den Cambridge Unibertsitateko Clare Grey ikertzaileak emango dituzten hitzaldiak, puntako 30 hizlari gonbidaturen hitzaldiak, 95 ahozko aurkezpen eta 300 bat poster.

Gainera, jakintza-alor anitzeko topaketa interesgarriak ere izango dira Graphene Week 2018 kongresuan. Esaterako, Graphene for human space workshop-ean grafenoak espazioan izan ditzakeen aplikazio ezberdinak aztertuko dituzte, Europako Espazio Agentziaren (ESA) eta NATOren laguntzari esker; Graphene Innovation Forum berrikuntza-foroan grafenoak eta harekin zerikusia duten materialek merkatuan eta industrian izan ditzaketen aplikazioak izango dituzte aztergai; eta AEB-Europa Nazioarteko Workshop-a ere antolatu da, National Science Foundation-arekin elkarlanean. Graphene Week 2018 kongresuak Women in Graphene ekimenerako tartea ere izango du; zientzian emakumeen presentzia sustatzeko eta komunitate zientifiko anitzago bat sortzeko helburua du ekimen horrek.

Kursaal Jauregian kongresuaz gain grafeno-produktuen erakusketa ere izango da; baita Europako enpresen eta startup-en istorio arrakastatsuen bilduma ere.

 Graphene Flagship proiektua

Graphene Flagship proiektua Europako Batzordearen ikerketa-ekimen handienetako bat da. 1.000 milioi euroko aurrekontua du, eta elkarlanean ikerketarako bide berri bat eskaintzen du inoiz ez bezalako eskalan. Graphene Flagship-aren helburu nagusia da grafenoa eta bi dimentsioko materialak laborategietatik Europako gizartera eramatea, 10 urteren buruan hazkuntza ekonomikoa erraztuz eta lanpostu berriak sortuz. Akademiako zein industriako 150 bazkide inguru dituen partzuergo bati esker, ikerketarako ahalegin horrek guztiak produkzio-kate osoa hartzen du bere baitan, materialen ekoizpenetik hasita, osagaietan eta sistemetan txertatzeraino. Halaber, grafenoaren eta bi dimentsioko beste materialen ezaugarri paregabeak ustiatzeko zenbait helburu ardazten ditu.

Graphene Week kongresua Graphene Flagship proiektuaren kongresu nagusia da, eta azken urteetan Atenasen, Varsovian eta Manchesterren antolatu ondoren, aurten Donostian izango da irailaren 10a eta 14a bitartean.

CIC nanoGUNE

Donostiako nanoGUNE Ikerketa Zentro Kooperatiboaren helburua lehen mailako nanozientzia-ikerketa egitea da, Euskal Herriko lehiakortasun ekonomikoa handitzeko xedez. Bestalde, “María de Maeztu” Bikaintasun Unitatea (2017-2021) da nanoGUNE, Ikerketako Estatu Agentziak hala aitortuta.

www.nanogune.eu

Informazio gehiago: com@nanogune.eu

Irati Kortabitarte (komunikazio-kabinetea – Elhuyar): 688 860 706

Itziar Otegui (CIC nanoGUNE): 943 574 024

Luz Casal

BBCko Orkestra, Benito Lertxundi eta Luz Casal Kursaal Eszenako denboraldi berrian

Gaurkotasuna / 5 iraila, 2018

Kursaal Eszenak hamar hitzordu aurkezten dizkizue bere denboraldi berrirako. “La casa de los juguetes” ipuin musikatuak emango dio hasiera denboraldi berriari urriaren 20an: samurtasunez eta umorez betetako ipuin honek Claude Debussyren musika du oinarri, frantziar konpositorearen heriotzaren mendeurrena betetzen den honetan. Musika Familian zikloko ikuskizuna, jolasak duen garrantzia aldarrikatu eta genero berdintasunaren inguruan iritzia agertzen duena. Emakumezko aktore bat, pianista bat eta txotxongilo mordoa eszenan, proiekzioek eta animatutako jostailuek lagunduta.

Hurrengo hitzordua, urriaren 26an, BBCko Orkestra Sinfonikoaren eskutik izango da. Sakari Oramoren zuzendaritzapean, Martin Fröst klarinetista ezagunak lagunduko du orkestra. Besteak beste, Sibelius, Hillborg, Debussy eta Prokofieven piezak joko dituzte.

Azaroan, berriz, beste lau hitzordu izango dira: lehenbizikoa, azaroaren 11n, Luxemburgoko Orkestra Filarmonikoarekin. Dukerri Handiko orkestra Kursaalean izango da bere zuzendari titular berriarekin, Gustavo Gimeno valentziarrarekin, 2017ko Hamabostaldian izandako arrakastaren ostean. Vilde Frang emakumezko biolinista izar gazteak biolinerako idatzitako pieza ezagunenetakoa joko du, Beethoven maisuarena hain zuzen. Mahlerrek eta Tchaikovskyk osatuko dute programa. Bestalde, azaroaren 17an, Nafarroako Orkestra Sinfonikoaren hari taldeak “Harien artean” eskainiko du Belén Otxotorena narratzailearen laguntzarekin; ikusleek aukera izango dute musikagileen biografien xehetasun ezezagunekin gozatzeko. Eta azaroaren 22an Luz Casal izango da Kursaaleko gonbidatua.  Hamaika kantu zoragarriren bilduma kaleratu du Casalek, “Que corra el aire” izenburupean. Bere izaera itzela eta musikari dion maitasuna eta pasioa erakutsiko dizkigu Luz Casalek. Azaroko azken hitzordua Piotr Beczala tenorraren eskutik iritsiko zaigu, hilaren 27an. Gaur eguneko tenor handienetako bat eta aurten arrakasta itzelak eta entzutetsuak eskuratu dituena New Yorkeko Metropolitan aretoan eta Bayreutheko Jaialdian.

Benito Lertxundi izango da programazioko protagonistetako bat, abenduaren 1ean. “Ospakizun gauean” da oriotarraren azken lana: hamar kantu dira herri menderatuaren oldar askatzaileaz edota senaren ahotsari arreta jartzeaz ari zaizkigunak, Jorge Bucayren edo Fernando Pessoaren imajinarioan biltzera garamatzatenak; horrez gain, Jon Maiak Terranovatik ekarritako kantu bat ere partekatu nahi izan du eta bere kanturik ezagun eta hunkigarrienak ere eskainiko ditu Lertxundik. Abenduaren 16rako, berriz, Le Concert Lorrain eta Dresdner Kammerchor iragarrita daude. Andrew Parrotten zuzendaritzapean, J. S. Bachen  “Gabonetako Oratorioa” eskainiko dute. Bachek jai-giroko lan bat sortu zuen oratorioa idazterakoan. 1734ko Gabonetan interpretatua izateko propio sortuta, egun berezi horiek gogora dakarzkiguten unez beterik dago. Lukas eta Mateo santuen ebanjelioak iturri dituen testua Jesusen jaiotzarekin hasi eta Errege Magoen gurtzarekin amaitzen da.

Urte berriarekin beste bi ikuskizun izango dira Kursaalen. Batetik, Izaro kantariak emanaldia egingo du Errege bezperan, urtarrilaren 5ean. Mallabiako kantaria aurtengo Jazzaldian ikusteko aukera izan dugu eta oraingoan Donostiara eskainitako “Eason” diskoa aurkeztuko du Kursaalen. Errege bezperako oparia Izaro Andresek dituen jarraitzaile askorentzat. Bestetik, Ballet Nacional de Españaren dantza ikuskizuna iritsiko da Kursaalera urtarrilaren 27an: Antonio Ruiz Soler, Antonio el Bailarín-en omenezko ikuskizuna. Espainiar dantzari nabarmenetariko baten heriotzaren 20. urteurrena betetzearekin batera, bere koreografia ezagunenetako batzuk berreskuratuko dituzte Kursaaleko emanaldian, eta baita Pablo Picassok bere garaian “El sombrero de tres picos” koreografiarako sortutako jantziak eta dekoratuak.

Programazio berri honek uztailean bukatu zen denboraldia osatzen du. 2018ko lehen zazpi hilabetetan hamazazpi kontzertu eskaini ziren, eta 19.518 ikusle bildu ziren guztira.

Kursaal Eskura

Kursaal Eszenak, oraingo denboraldi honetan ere, aurrera egingo du Kursaal Eskura proposamenarekin; Donostiatik urrutien dauden gipuzkoar udalerrietatik datozen zaleei  Kursaalerako etorrera erraztea da ekimen honen helburua.

Antzuola, Arrasate, Bergara, Elgoibar, Getaria, Ezkio, Itsaso, Legazpi, Urretxu, Oñati, Tolosa, Zarautz, Zumaia eta Zumarragako entzuleek izan dute jadanik ekimen honetaz gozatzeko aukera, Kursaal Eszenak antolatutako hamaika kontzertuetan, eta laster beste udalerri batzuek ere proiektu honetan parte hartzea espero da.

Kursaal Eskura 2014. urtean sortu zen, Kursaal Eszenaren eta Gipuzkoako zenbait udaletxeren elkarlanaren emaitzaz, eta doako autobus-zerbitzu bat jartzen du zaleen esku, udalerri horietatik abiatzen dena, eta, Kursaaleko kontzertua/ikuskaria amaitzen denean, jatorrizko abiapuntuetara itzultzen dena.

Abonuak eta sarrerak

Abonuen eta sarreren salmenta  astelehenean, irailaren 3an, hasiko da Kursaleko leihatilan (astelehenetik ostiralera 11:30etik 13:30era; ostegun eta ostiraletan baita 17:00etatik 20:00etara; larunbatetan 17:00etatik 20:00etara) edota Kursaaleko webgunean (www.kursaal.eus).

Musika Hamabostaldiaren 79. edizioan, edukieraren 91% bete da Auditorioa, eta aretoa 6 aldiz bete da

Gaurkotasuna / 4 iraila, 2018

Kursaal Auditorioa izan da Musika Hamabostaldiaren gune garrantzitsuenetako bat. Auditorioa 6 bider bete da erabat eta %91ko betetzea lortu da. Guztira, leihatilan bildutako diru-kopurua 952.000 euro gordinekoa da. Ikusle-kopuruari dagokionez, ia 37.000 pertsona izan ziren jaialdiaren 79. edizioko emanaldietan.

Auditorioan programatutako emanaldien artean, azpimarragaria da La Fura dels Baus konpainiaren “Kreazioa” ikuskizunak (abuztuak 2 eta 3) lortutako arrakasta: sarrera guztiak agortuta abiatu zuten jaialdia. Halaber, erabat bete ziren honako kontzertuak: Rotterdams Philharmonisch Orkest (abuztuak 24), Budapest Festival Orchestra eta Donostiako Orfeoia (abuztuak 27) eta “Amoria”ren, Katia eta Marielle Labèquen egitasmo berriena; horretan euskal musikaren 500 urte gainbegiratzen dituzte, euskal musikari gailenek osatutako talde batek lagunduta. Gaur, 79. edizioari amaiera emateko, Koloniako WDR Sinfonieorchester orkestrak eta Donostiako Orfeoiak emango duten kontzerturako sarrerak ere agortu dira honezkero.

Edizio honetako bigarren proposamen eszenikorako Rossiniren izenburu bat berreskuratu zen, haren heriotzaren 150. urteurrena betetzen den honetan: abuztuaren 11n eta 13an, Musika Hamabostaldiak “Italiarra Aljerren”, Hamabostaldiak berak, Buenos Airesko Colón Antzokiak eta San Lorenzo de El Escorial-eko Udako Jaialdiak ekoitzitako bertsioan. Joan Anton Rechik egindako berrirakurketa berriak operaren mamia 40ko hamarraldira eraman eta, nolabait esateko, antzezlan baten barruan kokatzen zen eszenaratzea aurkeztu zuen, errebista kutsua zuena.

Kursaal Auditorioa, gainera, berrelkartzeetarako eta ospakizunetarako toki bihurtu zen eta une gogoangarriak bizi izan ziren bertan. Abuztuaren 18 larunbatean, Euskadiko Orkestra Sinfonikoak eta Andra Mari Abesbatzak eman zioten hasiera aurtengo ziklo sinfonikoari, Christian Zachariasen agindupean; Christian Zacharias sarri etortzen da Hamabostaldira eta oraingoan zuzendari eta pianista gisa jardun zuen. Abuztuaren 22an, Hamburgeko NDR Elbphilharmonie Orchester orkestra Donostiara itzuli zen, lehenbiziko aldiz etorri eta 35 urte beranduago (hura izan zen jaialdian esku hartu zuen aldi bakarra); bere zuzendari printzipal gonbidatu Krzysztof Urbanskiren gidaritzapean, NDR orkestrak zur eta lur utzi zituen entzuleak kontzertuaren amaieran “Agur Jaunak” jo zuenean. Rotterdams Philharmonisch Orkest (abuztuak 24), azken hamar urteotan bere titular izan ostean orkestrarekiko konpromezua amaitzear den Yannick Nezet-Seguinekin, Hamabostaldiko publikoarekin berrelkartu zen; orkestra bere mendeurrena ospatzeko egiten ari den nazioarteko biran murgilduta dagoela etorri da Donostiara eta Hamabostaldiak bat egin nahi izan zuen ospakizun horrekin: Easo Eskolaniak “Zorionak zuri” eta doinu horren nederlanderako bertsioa kantatu zituen. Abuztuaren 27an eta 29an kontzertu bana eman zuen Budapest Festival Orchestra ere askotan izaten da jaialdian; izan ere, azken hamarkadan bosgarren aldiz dator Hamabostaldira; lehenengo kontzertuan, bere zuzendari Ivan Fischer-ek bertaratutakoen harrera ona eskertu zuen Brahmsen “4. hungariar dantza”ren jatorrizko bertsioa interpretatuz eta musikariak eurak kantatu ere egin zuten. “Amoria” ikuskizuna euskal musikaren gainbegiratze arrakastatsua gertatu zen eta Labèque ahizpentzat eta hainbat euskal musikarirentzako topagune bihurtu zen, esaterako Carlos Mena kontratenorra, Hegiak taldeko kideak eta Easo Eskolania; abesbatza horren eta pianisten duoaren arteko estreinako lankidetza Sir John Eliot Gardiner-ekin 2016an egindako lanean du jatorria: Katia Labèquek “Amoria”ren aurkezpenean kontatu zuenaren arabera, hura izan zen Easo Eskolaniaren berri  eman ziena, “munduko haur-abesbatza onena” dela esan omen zien britaniar zuzendariak. Bitxikeria horrek mahaigaineratzen du Musika Hamabostaldiak bertako abesbatzen eta nazioarteko artistentzako topaleku bezala duen garrantzia.

Musika Garaikideko Zikloa sorkuntza berritzaileenaren euskarri dela erakusten dute aurten horretan estreinatutako hiru lanek: Mario Ruizen “Aus del Dämmerung”, Gerhard Laukotearen kontzertuan entzungai izan zena; eta Raquel García-Tomás “Così mostraste a lei i vivi ardori miei” eta Mikel Urquizaren “Cinco sólidos perfectos y una mariposa”, Cosmos Quartet eta Noelia Rodilesek interpretatu zituztenak.

“Kantu Kontari”, zuzeneko musikaz lagunduta ipuinkontalari batek emandako formatu txikiko ikuskizuna, Kursaalera itzuli da abuztuko larunbatetan, eta horren bertsio ibiltaria Zumaia, Getaria, Mutriku, Irun eta Ordiziara iritsi da. Horrez gain, haurrentzako programatu dira Neonymusen “Historia inventada de la música inventada” eta “Materia” tailerra, Hamabostaldiaren 79. edizioko kartelaren egile Juan Luis Goenagaren lanaren inguruan Maushaus-ek diseinatua

Donostiako Musika Hamabostaldiaren programazioaren aurrerapen

2019. urtean Donostiako Musika Hamabostaldiak 80 urte beteko ditu. Hori ospatzeko diseinatuko den programazioan lanean dihardugu. Besteak beste, datorren edizio horretan ariko dira London Philharmonic Orchestra, Juanjo Menaren zuzendaritzapean eta Javier Perianes pianista bakarlari dela, eta Parisko Orkestra eta Donostiako Orfeoia, Daniel Harding zuzendariaren agindupean. Hurrengo Hamabostaldian eszenaratzeko aukeratutako opera da Pucciniren “Madama Butterfly”, San Lorenzo de El Escorialeko Udako Jaialdiarekin koprodukzioan.