menu

ATZERATU EGIN DA DONOSTIAKO ORFEOIAK AZAROAREN 23AN EMAN BEHAR ZUEN KONTZERTUA

Gaurkotasunak / 21 azaroa, 2017

Donostiako Orfeoiak jakitera ematen du 120. urteurrenaren ospakizunei amaiera eman behar zien kontzertua, azaroaren 23an Kursaal auditoriumean egitekoa zena, tamalez, atzeratu egin behar dela, zuzendariak osasun-arazoak dituelako atzoz geroztik.
Barkamena eskatzen dizuegu atzeratzeak eragin ditzakeen eragozpenak direla eta. Gaur-gaurkoz ezin dizuegu zehaztu noiz egin ahal izango den kontzertua.
Sarrerak erosi dituztenek dirua itzultzeko aukera dute erosteko erabilitako bide berak baliatuta: Internet edo Kursaaleko txarteldegia.

“El bosque de Grimm” Grimm anaien maitagarrien ipuinen giroan inspiratzen da, eta hauxe izango da Kursaal Eszenako familiako hurrengo saioaren protagonista  

Gaurkotasunak / 17 azaroa, 2017

 

Datorren azaroan 18, larunbata, La Maquinék produzituriko “El bosque de Grimm” ikuskaria eskainiko da Kursaaleko Ganbera Aretoan, Charles Perraultek eta Grimm anaiek bildutako maitagarrien ipuinetako giroan inspiratutako lana. Maurice Ravel frantses-euskaldunaren “Ma mère l’Oye” musika-piezaren bitartez egituratua dago obra, eta zuzeneko pianoarekin interpretatuko da. Haurrentzat eta familientzat dago obra hau pentsatua; keinu-antzerkia da, eta txotxongiloak eta bideoa ere badira.

Ravelen musikak hezurmamitzen du obra, eta haur-ipuinen birsorkuntza estilizatua gertatzen da. Piezak hizkuntza iradokitzaile baten moduan jokatzen du, belaunaldiz belaunaldi igaro diren ipuin tradizional ezagunenetako batzuen giroa eta une nagusiak deskribatuz: Txanagorritxo, Barbantxo, Edurnezuri edota Errauskine.

Grimmen basoak ipuin guztiak sortzen diren eta pertsonaia guztiak elkarrekin bizi diren irudimeneko toki bat gogorarazten du. Ipuinetako pertsonaia ezagunenetako batzuk, nola diren Txanagorritxo, Barbantxo eta Edurnezuri, basoan bizi dira elkarrekin, baina otso gaiztoak denak jan nahi ditu. Otsoak, une batez agertuta, pertsonaia guztiak jaten ditu; Txanagorritxok, ordea, otsoaren sabeletik denak ateratzea lortzen du.

Joaquín Casanovak eta Elisa Ramosek (La Maquinéren sortzaileek) sorturiko ikuskariak tolesgabetasunera itzularazten gaitu, ikusleari asko gustatuko zaion obra delikatu batean, musikaren bitartez berrituz denok ezagutzen ditugun ipuin herrikoiak.

Ikuskari honek antzezpen-arteen MAX 2014 saria eskuratu du haur-ikuskari hoberenaren kategorian, eta berebat lortu du Teatro Andaluz SGAE haur-ikuskari hoberenaren saria.

EL BOSQUE DE GRIMM
Kursaal Ganbera Aretoa
Larunbata, azaroak 18/ 18:00
7 € / 3 € (<12 urte)

 

 

Philippe Jaroussky kontratenorrak bere azken diskoa aurkeztuko du Kursaalen, Haendelen operako ariek osatua

Gaurkotasunak / 16 azaroa, 2017

Philippe Jaroussky gaur egungo kontratenor hoberentzat hartzen da, eta datorren ostiralean eskainiko du Kursaaleko emanaldia, azaroaren 17an, 20:00etan, Ensemble Artaserse bere taldeak lagunduta.

Zaila bada ere kontzertu bakar batean Haendelen opera-ekoizpen osoa biltzea, hamar operatako ariek osaturiko sorta honek musikagilearen Londreseko operen handitasuna berresten du, aldi barrokoko sorkuntza musikalaren eta dramatikoaren altxor baliotsua baitira.

Haendelen operetako ariek osaturiko errepertorioa eskainiko du, gutxiena ezagutzen diren ariak hain zuzen ere. Jarousskyk berak dioen bezala, “aria hauetako batzuk urte askoan interpretatu ditut, eta orain prest sentitzen nintzen nire taldearekin grabatzeko”.

Horrez gainera, castratorako zenbait aria interpretatuko ditu: “Gaur egun, guretzat idatzi ez diren ariak abesten ditugu ia beti, eta egokitu behar izaten dugu, baina Haendelek paper osoak lekualdatzen zituen, abeslari berriei egokitzeko bere operetan. Zenbait ariarekin gauza bera egitea erabaki nuen, ahalik eta modurik erosoenean interpretatzeko”, adierazi du Jarousskyk.

Jarousskyk Ensemble Artaserserekin abestuko du. Ensemble hau Europako talde barroko ospetsuenetako musikariek osatua da, eta Jarousskyk berak, Christine Plubeauk (viola da gamba), Claire Antoninik (tiorba) eta Yoko Nakamurak (klabea eta organoa) fundatu zuten 2002an.

Nazioarteko panoramako kontratenor nagusietako bat da Jaroussky. Halaxe agertzen dute jaso dituen sari ospetsuetako batzuek: Victoires de la Musique (Errebelazio Artista Lirikoa, 2004; Artista Lirikoa 2007an eta 2010ean); eta Echo Klassik, besteak beste. Trebetasun tekniko harrigarria duelarik, ñabardurarik ausartenak eta pirotekniarik ikusgarrienak egiteko gauza da, eta oso-oso errepertorio zabala du, XVII. mendeko dotoretasunetik hasita,  Monteverdi, Sances edo Rossi bezalako konpositoreekin, Handel edo Vivaldiren birtuosismo ikusgarriraino.

PHILIPPE JAROUSSKY & ENSEMBLE ARTASERSE
Ostirala, azaroak 17 / 20:00
44 / 35 / 29 / 23 /12 €
Sarrera erosi 

Kursaal Eszenak jazzeko bi izen handi hartuko ditu: Chick Corea eta Steve Gadd

Gaurkotasunak / 16 azaroa, 2017

 Erabat luxuzkoa den banda batekin batera eskainiko dute kontzertua, datorren asteartean, azaroak 14 (20:00), Kursaaleko Ganbera Aretoan.

Chick Corea-ren izena jazzeko handien artean dago, zalantzarik gabe, eta estatubatuarra musika-ikono izatera iritsi dela esan daiteke. Pianista ezezik teklista, konposagile eta talde-buru ere baden Corea, laugarren artista proposatuena da Grammy Sarien historian, 63 izendapen eta 22 sarirekin. Sasoi onean iritsi da 76 urte betetzera; agenda Steve Gadd bezalako aspaldiko lagunekin batera gauzatzeko proiektu berriz gainezka duela, alegia.

Steve Gadd, berriz, musika garaikidean eragin handienetakoa duen bateria-jotzailea dela esan dezakegu. Modern Drummer eta Drummer World bezalako aldizkari espezialduek munduko hamar bateria-jotzaile hoberenen artean aipatu izan dute eta, besteak beste, Paul McCartney, Paul Simon, Steely Dan, Joe Cocker eta Eric Clapton-en mailako musikariekin aritu izan da.

Bi artista hauek, fusio elektriko nahiz rockeroen laborategia izan zen Return Forever hartan ezagutu zuten elkar eta, harrezkero, sarritan aritu izan dira elkarlanean. Kolaborazio horien emaitzak: “The Leprechaun” (1975), “My Spanish Heart” (1976), “The Mad Hatter” (1978)  edo ”Three Quartets” (1981) bezalako diskoetan entzun daitezke. Denborak aurrera egin ahala, Corea eta Gadd-en arteko harremana  adiskidantzakoa izatera iritsi da, elkarrenganako miresmena tarteko. Coreak dio: “Steve eta biok aspalditik gara gertukoak bai musikari bezala, bai lagun bezala ere. Elkartzen garen aldiro, automatikoki pizten den zerbait dago”. Eta Gadd-ek eransten du: “Chick-ekin aritzeko aukera oro aprobetxatzen dut, horrek beste musika maila batera eramaten nauelako”.

2017ko bigarren seihilekoan, bi geinu hauek errepidera bueltatu dira, beste behin ere, orain arte gidatu gabeko banda batekin: Beningo Lionel Loueké, gitarrra jotzen; Estatu Batuetako Steve Wilson, saxoa eta flautekin; Carlitos del Puerto kubatarra kontrabaxu eta baxu elektrikoan, eta Venezuelako Luisito Quintero perkusioarekin. Datorren asteartean, azaroak 14, Kursaalen eskainiko duten kontzertuan, hainbat urteetan elkarrekin egindako lana eta abestiak errepasatuko dituzte.

Chick Corea & Steve Gadd Quartet
Azaroak 14, asteartea, 20:00
Kursaal Ganbera Aretoa
Steve Gadd, bateria / Lionel Loueké, gitarrak eta ahotsa /Carlitos del Puerto, kontrabaxua eta baxu elektrikoa /Luisito Quintero, perkusioak / Steve Wilson, saxoa eta flautak
Sarreren zenbatekoa: 41 €

Los Planetas taldeak bere azken diskoa aurkeztuko du Kursaalen, beren arrakasta handientzat ere lekua izango den kontzertu batean

Gaurkotasunak / 10 azaroa, 2017

  • Kontzertua, Kursaal Eszenaren denboraldiaren baitan, datorren larunbatean izango da, azaroak 11

Los Planetas granadar taldeak eszenatokietara itzuli dela berretsi du, eta disko berri baten etorri da gainera: “Zona temporalmente autónoma”. Diskoak 14 abesti ditu, eta bandaren bederatzigarren lana da. Disko honetan, musiakren esparruari dagokionez, taldeak flamenkoa ikertzen jarraitzen du, baina letrak inoiz baino politikoagoak dira taldeak.

“Zona Temporalmente Autónoma” izenekoa (Hakim Bey-ren saikaera-lanaren oroitzapenetik dator titulua), Estatutik eta Kapitaletik aparte dagoen tokia da, non gure kulturaren balio gorenak, baita manipulazio sentimentalarekiko sentikorrak direnak ere, bizirik iraun baitezaketen. (“Ijitoek kantu flamenkoarekin egin duten bezala”, azpimarratzen du Jotak.) Hamalau abesti, bederatzigarren diskoa. Disko horretan, elkarren ondoan daude maitasunaren tesi politikoak (himno politikoak ziren “La canción del fin del mundo” edota “Reunión en la cumbre”) eta esaldi batean zifra genitzakeen abesti asko: Hegoaldeko ontologia.

Baina flamenkoa hortxe dago, baita hain agerikoa ez denean ere. Izan ere, konplikatua bezain alferrekoa da rock and rolla eta flamenkoa bereiztea Los Planetasen musikan. Haientzat ez dira mundu desberdinak, eta erabateko askatasunez igarotzen dira batetik bestera, harmoniak bereizketarik egin gabe trukatuz.

Rock-banda bakar batzuek baizik ezin irabazi dute gogoangarri kalifikatzailea; izan ere, urteetan eta hamarkadetan dirauen aztarren guztiz nahastezina uzten denean herri-kulturan, orduan bakarrik lortzen da adjektibo hori. Laurogeita hamarren lehen urteetan hasi ziren Los Planetas musikagintzan, baina adiskideekin eta adiskideentzat bakarrik joaz. Alabaina, ez zen denbora asko igaro zenbait abestiren grabazioa egin eta irrati, fanzine eta aldizkari programetara bidaltzen hasi zen arte, eta aldi berean publikoak bere banda gogokoena ezagutu zuen.

LOS PLANETAS
Larunbata, azaroak 11   / 20:00
29 €
Sarrerak erosi

Azaroaren 23an, Orfeoiak Kursaalean emango dio amaiera 120. urteurrenaren ospakizunari

Gaurkotasunak / 9 azaroa, 2017

Azaroaren 23an, Orfeoiak Kursaaleko Auditoriumean emango dio amaiera 120. urteurrenaren ospakizunari. Kontzertua Madrilgo Orkestra Sinfonikoarekin batera izango da, alegia, Errege Antzokiko orkestra titularrarekin. Agertoki enblematiko horri oso lotuta dago abesbatza, 123 aldiz abestu baitu bertan. Kontzertu honen bidez, bi erakundeen arteko lotura artistikoak sendotu nahi dira.
Ospakizun bikoitz honetarako Prokofieven Ivan Izugarria obra hautatu da. Madrilgo Orkestra Sinfonikoa, Orfeoia eta Orfeoi Txikiaren ahotsez gain, Ainhoa Zubillaga (mezzosopranoa) eta Eneko San Sebastián (baritonoa) bakarlariek ere abestuko dute, Sainz Alfaroren gidaritzapean. Obrak Ivan Izugarria tsarraren bizitza gorabeheratsua kontatzen du, azpijokoz, hilketez eta guduz betea. Istorioak narratzaile bat behar du, eta kasu honetan, Iñaki Gabilondo kazetaria izango da.
Aire errusiar patriotikoez betetako kantata ospetsua Sergei Eisensteinen zinemako trilogiarako konposatu zuen Prokofievek. Kantatak zati gogorrak ditu, tesituragatik eta testura, estilo eta dinamikaren kontrasteengatik. Hala ere, Orfeoiko ahotsek zailtasun horiei aurre egin diete kantata osorik interpretatu duten bederatzi aldietan, besteak beste, Txekiako Orkestra Sinfonikoarekin, Sofiako Opera Nazionalekoarekin, San Petersburgoko Filarmonikarekin eta EOSarekin batera.
Kontzertua 20:00etan hasiko da, eta Laboral Kutxak babesten du.
Elkarri lotutako historiak
Errege Antzokiaren eta Orfeoiaren historiak oso lotuak egon dira 1916tik, abesbatzak urte hartan eman baitzuen lehenengo kontzertua antzoki historikoan. Ordutik, 123 emanaldi egin dituzte, tartean, kontzertu sinfoniko-koralak hainbat orkestrarekin, opera abestua eta antzeztua edo, lotura artistikoaren lehen urteetan, euskal kanta herrikoien programak.
Orfeoiak Errege Antzokiaren lehen berrirekitzean parte hartu zuen. Ondoren, Aste Santuan –1977 arte–, Bachen San Mateoren Pasioa interpretatzen zuen Espainiako Orkestra Nazionalarekin eta bertako titularra zen Frühbeck de Burgosekin. Urtero hiru edo lau aldiz interpretatzen zuten, eta aretoa erabat betetzen zen. Hiru urtetan, 1968an, 1970ean eta 1972an, agerpen ugari egin zituzten, urtean bederatzina kontzertu interpretatu baitzituzten.
Opera-antzoki bezala bigarren aldiz berrireki zenean, 1991 eta 1997ko jarduera-ezaren ostean, Orfeoiak Fallaren Bizitza laburra interpretatu zuen. Sei aldiz abestu zen, eta, jakina, 2007an,berrirekitzearen hamargarren urteurrenean, berriz interpretatu zuten.
120. urteurrenaren une esanguratsuenak
Orfeoiak hiru kontzertu berezirekin ospatu nahi zuen 120. urteurrena. Lehena, etxekoekin ospatzeko, ekainaren 24an izan zen, Konstituzio plazan. Ospakizun herrikoi eta donostiar horretan, hiru gertakizun historiko ospatu ziren: Konstituzio plazan jarri zen lehen harriaren 200. urteurrena, Orfeoiaren 120. urteurrena eta Udala plaza horretatik gaur egun dagoen tokira lekualdatzearen 70. urteurrena. Udal-liburutegiaren aurrealdean proiektatu ziren irudiek eta argi-jokoek giro berezia sortu zuten. Horrek eta publikoak betidanik entzun dituen abestiek emozio ugari piztu zituen entzuleen artean. Orfeoi Txikiko haurren ahotsek ere ospakizunean parte hartu zuten.
Bigarren kontzertua Londresko Royal Albert Hallen ospatzen den Proms zikloko debuta izan zen. Beethovenen Fidelio opera kontzertu bertsioan interpretatu zuten BBC Filarmonikoarekin batera eta Juanjo Menaren zuzendaritzapean.
Aretoa ia beteta zegoen, eta ikaragarri gustatu zitzaien 6.000 ikusleei. Ikuskizun «kementsu eta alaia» eman zuen Orfeoiak (Musicomh hedabide ingelesaren arabera) eta emanaldia emakumezkoen ahotsen «alaitasun-oihuarekin» amaitu zuten (Bachtrack). Abesbatzarekin batera, nazioarteko abeslari hauek abestu zuten: Stuart Skelton, Ricarda Merbeth, James Creswell, Louise Alder, Benjamin Hulett, Detlef Roth eta David Soar.
Eta tokiko ospakizuna borobiltzeko, hirugarren kontzertu-trukaketa antolatu da Madrilgo Orkestra Sinfonikoarekin.
Datorren urteko irailaren 26an ere beste kontzertu bat emango da Errege Antzokian orkestra berdinarekin (programa oraindik ez dago zehaztuta).
Espainiako orkestra sinfoniko egonkor zaharrena
Orkestra 1903an sortu zen. 1904ko otsailaren 7an, Madrilgo Errege Antzokian aurkeztu zen, Alonso Cordelásen zuzendaritzapean, eta Espainiako lehen orkestra sinfoniko egonkorra izan zen. 1905an, Enrique Fernández Arbósekin batera lan egiten hasi zen, eta hiru hamarkadatan zehar aritu ziren elkarlanean. Horrez gain, podiumean, maisu garrantzitsuak egon ziren, esaterako, Richard Strauss eta Igor Stravinski.
Arbósen heriotzaz geroztik, Madrilgo Orkestra Sinfonikoaren (OSM) zuzendaritza hainbat zuzendari espainiarrek hartu zuten, esaterako, Conrado del Campo, José María Franco, Enrique Jordá eta Vicente Spiterik.
1981ean, Kultura Ministerioarekin egindako hitzarmen baten ondorioz, Zarzuelako Antzokiko ikuskizun guztien orkestra egonkor bihurtu zen. Halaber, jarduera sinfonikoa berreskuratu zuen. Arlo horretan, hain zuzen ere, aipagarria da Musika Auditorium Nazionalean ospatzen den Madrilgo Erkidegoko urteko kontzertu-zikloa. Espainiako zuzendari garrantzitsuenekin lan egiteaz gain, maisu hauen zuzendaritzapean ere egon da orkestra: Peter Maag, Kurt Sanderling, Krzysztof Penderecki, Mstislav Rostropovitx, Semion Bitxkov, Pinchas Steinberg, Armin Jordan, Peter Schneider, James Conlon, Hartmut Haenchen, Thomas Hengelbrock, Jeffrey Tate, Nicola Luisotti eta Lothar Koenigs.
OSM, 1997tik, Antzerki Lirikoaren Fundazioarekin egindako kontratu ugariren bitartez, Errege Antzokiko Orkestra titularra izango da 2026. urtera arte. Luis Antonio García Navarro (1999-2002) eta Jesús López Cobos (2002-2010) Orkestraren zuzendari izandakoak dira, eta gaur egun, Ivor Bolton da zuzendaria; Pablo Heras-Casado, aldiz, zuzendari gonbidatu nagusia da.
Orkestraren diskografian, aipagarriak dira Auvidisentzat grabatutako zarzuelak eta opera espainiarrak, Artsentzat grabatutako Felix Mendelssohnen Sinfoniak, Peter Maagen zuzendaritzapean, eta Deccarentzako Isaac Albénizen Merlin eta Henry Clifford operen munduko lehen grabazioak, José de Eusebioren zuzendaritzapean. Errege Antzokian eskaini dituzten emanaldi ugari CDan nahiz DVDan argitaratzen ari dira. (www.osm.es)

Nazionalismoari lotuta dauden bi konposagile, Sibelius eta Smetana, izango dira Kursaal Eszenaren hurrengo kontzertuaren protagonista nagusiak.

Gaurkotasunak / 8 azaroa, 2017

“Biolinaren dama” handietako bat den Viktoria Mullovak Sibelius-en “Biolinerako kontzertua” interpretatuko du.

Kursaal Eszenaren kontzertu denboraldiaren baitan Bamberg-eko Sinfonikoak datorren ostegunean, azaroak 9, eskainiko duen  kontzertuan, nazionalismoa izango da oinarri nagusia. Bertan Sibelius eta Smetana-ren obrez osatutako programa eskainiko baita; zein bere herrian, Finlandian eta Txekian, mugimendu honetako musikari nagusietakoak izan ziren konpositoreen lanak hain zuzen.

Sibelius finlandiar jeinuak , bere “Biolinerako kontzertu” bakarrean, etorkizunerako monumentu bat eraiki zuen. Nahiz eta kontzertu honetan egilea garai nazionalista gainditzen ari, eta bere garaiko joeretan jadanik ezin sailkatuzkoa zen estilo batean murgiltzen hasia izan, aurki daitezke oraindik obra honetan folklore horren arrasto batzuk, piezari halako kutsu mistiko eta alaia ematen diotenak.

Alemaniako formazio entzutetsuak Txekiako Smetana konposagilearen “Nire Aberria” obraren 1, 2, 3 eta 4 zenbakiak ere interpretatuko ditu (obra osoa sei zenbakik osatzen dute). Txekiar musikaren aitatzat hartzen den Smetana izan zen, bere herriko folklorean oinarritutako hizkuntza musíkala erabili zuen lehen konposagilea.

Bamberg-eko Orkestra Sinfonikoa, 2016. urteaz geroztik formazioaren  zuzendari titularra den Jakub Hrusa-ren agindupean ariko da, eta Viktoria Mullova biolin-jotzailearen partehartzea izango du. Orkestra, musikari aleman eta txekiarrek sortu zuten duela zazpi hamarkada, eta bere errepertorioan XVIII eta XIX. mendeetako lanak nabarmentzen dira bereziki.

BAMBERGER SYMPHONIKER
Osteguna, azaroak 9 / 20:00
50 / 40 / 32 / 26 /12 €
Jakub Hrusa, zuzendaria
Viktoria Mullova, biolina

Sarrera erosi

Tony Viscontik eta Woody Woodmanseyk, Bowieren benetazko soinuaren oinordekoek, Ziggy Stardusten kantak eskainiko dituzte

Gaurkotasunak / 31 urria, 2017

  • “Ez gara tributu-banda bat, gurea benetakoa da”, diote taldeko partaideek
  • Cápsula taldeak emango dio hasiera Holy Holyren kontzertuari.

 Tony Visconti eta Woody Woodmansey, all star band batekin batera, hau da, Holy Holy, azaroaren 2an Kursaal Kursaalen arituko da eta Ziggy Stardusten azken itzuliko errepertorio bera eskainiko dute.

Tony Visconti, Bowieren produktore fetitxea izan da, eta baita rockaren historiako artista askorena ere (T.Rex, Thin Lizzy…). Bestalde, Woody Woodmansey bateria-jolea, David Bowieren urrezko aroko pertsonaietan bizirik dirauen bakarrenetakoa da. Izan ere, beraiek ditoen bezala “Ez gara tributu-banda, gurea benetakoa da”

Bi mito handi hauekin batera, all star band bat arituko da, musikari hauek osatuta dagoena: Glen Gregory (cantante; Heaven 17), James Stevenson (guitarra; The Alarm, Scott Walker, Gen X, Chelsea), Paul Cudderford (voces y guitarra; Bob Geldof, Ian Hunter), Berenice Scott (teclados, Heaven 17), Terry Edwards (saxo, guitarra, percusión, voces; PJ Harvey, The Blockheads, Departament S) y Jessica Lee Morgan (voces).

Capsula taldeak emango dio hasiera kontzertuari. Capsulak, 2005 urtean, “Dreaming of the Rise and Fall of Ziggy Stardust and the Spiders froms Mars”, diskoa argitaratu zuen, “The Rise and Fall of Ziggy Stardust and the Spiders from Mars” diskoaren bertsioekin. Gainera, Visconti berak, euskal/argentinarren hurrengo diskoa ekoiztu zuen, “Solar Secrets”. Kontzertu honetan, berriz ere elkartuko dira Capsula, Visconti… eta Bowie.

 

Holy Holy + Cápsula
Azaroak 2 osteguna / 20:00
Kursaal Auditorioa
31 €
Sarrerak erosi

Enbaxadore Programak 10 enbaxadore berri izendatu ditu

Gaurkotasunak / 25 urria, 2017

Hamar profesional Donostiako enbaxadore izendatu dira Donostia Turismo & Convention Bureauk eta Kursaalek sustatutako Enbaxadore Programaren baitan. Programa honen helburua da, hirian egiten diren bilerei lotutako turismoa babestea eta bultzatzea.

Ekitaldia Ni Neu jatetxean egin berri da gaur, urriak 24, 20:00etan, eta “Enbaxadore” berriez gain, Eneko Goia – Donostia Turismo & Convention Bureauko presidentea eta Donostiako alkateak; Iker Goikoetxea, Kursaaleko zuzendariak; Manu Narvaez, Donostia Turismo & Convention Bureauko zuzendariak eta Manuel Carreiras, BCBLko zuzendariak (Basque Center on Cognition, Brain and Language) parte hartu dute.
Enbaxadore programa 2012an sortu zen hirian ekitaldi edo kongresuak antolatu dituzten profesionalak nabarmentzeko. Estatu mailakoak direnean, 450 pertsonatik gorakoak izan behar dira, eta nazioartekoak badira, 200 pertsonatik gorakoak.
“Enbaxadore” berriak gehituta, 48 profesionalek osatzen dute 2012an sortutako elkarte prestigiotsua.

Biltzarren eragina Gipuzkoan

Kursaalek eta Donostia Turismo & Convention Bureauk sustatutako programa honen xedea da Estatuko zein nazioarteko ekitaldi garrantzitsuak Donostiara eta Gipuzkoara ekartzea, eta kongresuak antolatzen dituzten pertsonen lana aintzatestea. Hautagaitza aurkezteak eta biltzar bat antolatzeko ardura hartzeak eskatzen duen ahalegina nabarmendu nahi dute Kursaalek eta Donostia Turismo & Convention Bureauk, izan ere, lan desinteresatu honek eragin handia du; bai ekonomian bai gure ingurunean jakintza sortu eta zabaltzeari dagokionez.
Biltzarrek hazkunderako indar handiena duen segmentua osatzen dute; kuantitatiboki lurraldeko baliabide ekonomikoak dinamizatzen dituen ekintza da. 2016ean 147 bilera antolatu dira hirian (kongresuak, jardunaldiak, batzarrak…), %46,2 nazioartekoak izan dira, eta 38.700.000 euro inguruko inpaktu ekonomikoa izan zuen (ostatu gauak bider partehartzaileen batez besteko gastua (350 €)).
Biltzarren jarduera lurraldearen apustu estrategiko bat da, jakintzaren ekonomia bultzatzen duen jarduera bat. Estatu mailan, Gipuzkoa eta Donostia posizio bikainean daude sektorean: Kursaal APCEren (Espainiako Biltzar Jauregien Elkartea) biltzar jauregien sailkapeneko 4. postuan egon zen 2010. urtean, hiriaren edertasunari, gastronomiari eta giza kapitalari esker.

Abenduaren 22an Jorge Drexler izango da “Salvavidas de hielo” birarekin

Gaurkotasunak / 23 urria, 2017

Iritsi dira azkenik Jorge Drexler-en abesti berriak. “Salvavidas de hielo” irailaren 22an argitaratu zen, “Telefonía” deritzon lehenengo singlearekin. Komunikatzeko moduei buruzko asmo adierazpena. Albumeko beste abesti batzuk ere aurkeztu dira Facebook Liveko zenbait ekitaldiren bitartez. Honela, Drexler-ek gaur egungo mundu digitalak eskaintzen duen modurik demokratiko eta unibertsalenean estreinatu ditu abesti hauek.
Album hau Mexiko Hirian eta Madrilen grabatu da eta entzuten den guztia (ahotsak ezik) mota guztietako gitarrak erabiliz grabatu da, soinu bero, erritmiko eta erakargarria lortuz. Erritmoz, esperimentazioz, melodiaz eta batez ere abesti handiz betetako diskoa da. Laster, perkusio, bateria, loop eta sintetizatzaile uholde bat entzungo dugu… baina guztiak gitarra eta bere materialak erabilita sortuak dira. Sokak, egurrezko kaxa, banjo baten larrua, dobro baten metala. Gitarra jatorria duten elementu asko proiektu berri honentzako banda handi batetan bihurtu dira.

Vanesa Martinek bere azken lana aurkeztuko du Kursaalen : “Munay”

Gaurkotasunak / 20 urria, 2017

Kursaal Auditorioan izango da kontzertua, datorren igandean, urriak 22, 19:00etan.

Munay kitxuar hitz bat da, “maitatu” esan nahi du, eta “kreatzaileak bere kreazioari dion maitasuna, naturarenganako maitasuna, eta norberarenganako eta lagun hurkoarenganako maitasuna…” definitzeko erabili ohi da. Munay da, halaber, Vanesa Martínek bere azken diskoari eta bira berriari jarri dion izenburu iradokitzailea.

Malagar abeslariaren bosgarren lana da “Munay”, eta bere karreraren une erabakigarrian iritsi da, gainera; izan ere, Vanesak erronka pertsonal izugarria zuen aurrez aurre, kaleratutako azken lanekin lortutako arrakastaren ondoren: bikaintasuna lortzea. Vanesak berak esan bezala, “Crónicas de un baile” diskoak “nire bizitza aldatu zuen, aurreko beste diskoek baino gehiago. Hura izan zen sendotasuna eta indarra eman zidan diskoa. Horregatik izan du horrenbesteko garrantzia disko berri honen prestakuntzak eta grabazioak”. “Munay” izan da bikaintasunaren bilaketa horri emandako erantzun irmoa.

“Munay” lanak barne-barneko sentimenduetan eta gogo-aldarteetan sakontzen du: “amets, bizitza eta esperientzietan barrena egindako hegaldi erregaitza. Bizitzaren aldeko aldarria dira “Munay” laneko abestiak”, dio Vanesa Martínek.

Vanesak, bere estiloarekin bat egingo duten hots eta esperientzia berriak bilatu nahian, Los Ánglesen grabatu zuen disko berria, Eric Rosseren ekoizpenarekin (Maroon 5, Sara Bareilles, Tori Amos…). Han eman zien forma disko berriaren abestiei, musikari handiez inguratuta. Eta horrela sortu zen “Munay”.

Urriaren 22an, Vanesa Martínek “Munay” lanaren magia ekarriko du Kursaaleko agertokira. Vanesaren kontzertuak berdinik gabeak dira.

Vanesa Martín
Urriak 22, igandea /19:00
21 €

 Sarrera erosi

“Hariekin lotu gabe, Pinotxo” euskarazko musikala ikusteko aukera izango da asteburu honetan Kursaalen

Gaurkotasunak / 19 urria, 2017

  • Oñatiko Ganbara Txiki Abesbatzak taularatuko duen musikal honek musika, dantza, antzerkia, magia eta ikusentzunezkoak uztartzen ditu. 
  • Ikuskaria familia osoarentzat da. Urriaren 21eko larunbatez ikusi ahal izango da Kursaalen, arratsaldeko 18:00etan hasita.

Kursaal Eszenak etxeko txikienei eskaintzen dien programazioak, Musika familian atalak, larunbata honetan (urriak 21) izango du lehen hitzordua (18:00). Aitor Biainek zuzentzen duen Oñatiko Ganbara Txiki abesbatzaren eskutik, “Hariekin lotu gabe, Pinotxo” euskarazko musikala eskainiko da, arratsaldeko 18:00etatik aurrera.

Ikuskariak musika, dantza, antzerkia, magia eta ikusentzunezkoak bitarteko direla, Pinotxo, haur bihurtu nahi duen egurrezko txotxongiloari gertatutakoak biltzen ditu. Benetako haur bihurtu nahi du Pinotxok baina, noski, baldintza batzuk bete beharko ditu horretarako; besteak beste: eskolara joan, joango al da? Iritsiko al da inoiz? Inoiz ikusiko al dugu Pinotxo hariekin lotu gabe?

Oñatiko Ganbara Txiki Abesbatza 2004ko urrian hasi zen bere bidea egiten. Sorreratik bertatik, abesbatzak kontzertu ugari eskaini ditu Oñatin, Euskal Herriko hainbat tokitan eta baita Euskal Herritik kanpo ere. Horra Mari!!, Alami, Jolasean edota Beltza ipuin musikalak taularatu dituzte eta 2008an Munduari begiratzeko diskoa argitaratu zuten. Aitor Biaian da proiektu honen sortzaile eta zuzendaria. Ganbara Txiki Abesbatzaz gain, EHUko Abesbatza, Bergarako Orfeoia eta Oñatiko Ganbara Abesbatza zuzentzen ditu eta, azken urteotan hainbat sari irabazi ditu talde hauekin.

Urriak 21, larunbata, 18:00
Kursaal Auditorioa
“Hariekin lotu gabe, Pinotxo”
Ganbara Txiki Abesbatza
Aitor Biain, zuzendaria
Ganbara Faktoriaren produkzioa
Sarreren zenbatekoa: 7 € / 3 € (˂ 12 urte)

Familia osoarentzat

 Sarrera erosi 

Kursaal Eszenaren denboraldi berriko eskaintza klasikoa, Haeneelen “Giulio Cesare” operarekin abiatuko da.

Gaurkotasunak / 18 urria, 2017

  • Konposagile alemanaren maisulana kontzertu bertsioan eskainiko du, Ottavio Dantonek zuzentzen duen Accademia Bizantina talde entzutetsuak.
  • Kontzertua ostiral honetan, urriak 20 (19:00), izango da, Kursaal Auditorioan.

 

Kursaal Eszenaren kontzertu-denboraldi berriko (2017ko urria-2018ko urtarrila)  lehen hitzordu klasikoak protagonista nagusi bat izango du: antzinako instrumentuekin interpretatzen espezialdua dagoen Italiako Accademia Bizantina taldea. Hogeita bost urteko ibilbide luze eta aberatsa egin ostean, aipatu formazioak merezitako aitorpena du gaur egun, errepertorio barroko nahiz klasikoari eman dion kreatibitate eta energiagatik. Taldearen zuzendariak, Ottavio Dantone organista eta klabezin-jotzaileak ez dio zorroztasun historizista bakarrik eman antzinako musikari; horrez gain, bere interpretazioekin, freskotasuna eta bapatekotasuna ere eman dizkio.

Urrian zehar, Accademia Bizantinak, Dantoneren zuzendaritzapean, Europa mailako bira entzutetsua egingo du Parisko Les Champs Elysées edo Vienako Theater an der Wien bezalako antzoki entzutetsuak bisitatuz. Donostian (urriak 20, ostirala, 19:00)

F. Haendel-en “Giulio Cesare in Egitto” opera eskainiko dute, kontzertu bertsioan; alemaniako konposagile ospetsuaren opera eder eta biribilenetako bat, bai musikaren ikuspegitik, bai dramaturgiari dagokionez ere. Hauxe da askorentzat Haendelen operarik landuena eta bereziki miresten dira ahozko melodiak, indar dramatikoa eta orkestrazio bikaina.

Gaur egun, “Giulio Cesare” erregularki aurkezten da munduko opera-antzoki guztietan, eta opera-errepertorio usadiozkoa osatzen duten Mozarten aurreko opera bakanetako bat da. Obra ia-ia biribila da, eta, Cesarren eta Kleopatraren amodioaren garaipena intriga exotiko eta politikoen giroan kokatzen baitu, historiak o garai guztietara eraman daitekeen errealismo batez dago aurkeztua.

Urriak 20, ostirala, 19:00
Kursaal Auditorioa
“Giulio Cesare”, G.F. Haendel
Accademia Bizantina
Octavio Dantone, zuzendaria
Lawrence Zazzo, Giulio Cesare
Emoke Barath, Cleopatra
44/ 35 / 29 / 23 / 12 €

 Sarrera erosi

ATZERATU EGIN DA Opus Líricaren GORA MUSIKA! opera-ikuskizuna

Gaurkotasunak / 18 urria, 2017

Opus Líricak urriaren 27rako, ostirala, Kursaal auditorioan antolatuta zuen ikuskizuna azaroaren 18ra atzeratu da, 19:30era, ekoizpen- eta logistika-arazoak direla medio. Erositako sarrerek data berrirako ere balio dute. Dirua itzultzea nahi izanez gero, gaurtik aurrera, urriak 18, eskatu ahal izango da, sarreren salmenta-puntuetan (linean edo leihatilan).

SS Gastronomika 2017: chef onenen biltzarra gourmet afizionatuen eskueran

Gaurkotasunak / 6 urria, 2017

Urriaren 8tik 11ra, San Sebastian Gastronomika-Euskadi Basque Country izango da Kursaalen. Urtetik urtera, gero eta programazio osatuagoa du, eta, aurten, munduko chef onenen hitzaldiak eta dastatzeak ez ezik, jarduera ugari ere proposatzen ditu biltzarrak, hala nola ardo-dastatzeak Josep Rocarekin, edaria eta janaria uztartzea Josean Alijarekin, edo xanpain-lehiaketak.
Hona hemen jarduera aipagarrienetako batzuk:
Chefekin sukaldean
Biltzarreko jarduera esklusiboenetako bitan, gutxi batzuek sukaldean sartzeko eta gaur egungo chef onenetako batzuekin batera lan egiteko aukera dute. Oraingoan, chef hauek jarriko dira jendearen esanetara 10 lagunentzako klase praktikoak eskaintzen dituen “…kin sukaldean” atalean: Andreu Genestra (Andreu Genestra Restaurant, Capdepera, Mallorca), Fran López (Villa Retiro, Xerta, Tarragona) eta Pedro Subijana (Akelarre). Bestalde, San Sebastián Gastronomikak antolatzen dituen 40 lagunentzako sukaldaritza-tailer monografikoetan, “Sukaldaritza pribatuak” deiturikoetan, Nandu Jubanyk parte hartuko du (Can Jubany, Calldetenes, Bartzelona), baita Miquel Brossa gastronomoak eta Francis Paniegok (Echaurren, Ezkarai, Errioxa) ere. Azken biek tailer esklusibo bat emango dute batera.
Wine&Win lehiaketa
Bosgarren urtez egingo da binakako ardo-dastatze lehiaketa ospetsu hau. Erronka honek parte-hartzaileen ezagutza teoriko eta praktikoak neurtzen ditu, eta jakintza eta entretenimendua elkartu. Wine&Win afizionatuentzat eta profesionalentzat da, baina beti bikoteka. Final handian, parte-hartzaileek zenbait galderari erantzun behar diete, eta dastatzeak egin, zuzenean. Agertokiko mahai batzuen atzean egongo dira lehiakideak, eta ikus-entzunezko diseinu bat erabiliko dute, telebistako lehiaketetan bezalaxe.
“The Txoko Experiencie” dokumentalaren estreinaldia
Suak eta mikrofonoak alde batera utzi, eta pantailara begiratuko dugu, “The Txoko Experience. The Secret Culinary Space of the Basques” lehenengo dokumental gastronomikoa aurkeztuko baita, Espainian soilik. Dokumental horrek Euskal Herriko txokoak eta elkarte gastronomikoak, 0 km-ko produktuak eta abangoardiako euskal sukaldaritza ditu aztergai. Lana bizkaitar politologo Yuri Morejónen zuzendaritzapean egin da, New Yorken, eta, bertan, euskal gastronomian erreferentzia garrantzitsuak diren chefek parte hartu dute, besteak beste, Elena Arzak, Josean Alija, Aitor Arregi eta Bittor Arginzoniz. Haietako asko estreinaldian izango dira.
Wine Session onenak
Wine Session delakoen barruan, bi saio nabarmendu behar dira: batetik, 2008an Europako sommelier onena izan zen Isa Balen tailerra, “¿Cómo llegar a ser ‘master sommelier’?”; eta, bestetik, Ars Natura Líquidako Josep Rocak (El Celler de Can Roca) zuzenduko duen saioa, Celler jatetxeak antzinako ezagutza berreskuratzeko eta likore, pattar, olio esentzial eta fruitu aromatikoak sortzeko egin duen lana erakusten duena. Horretaz gain, Bodegas Torres upategiak ere parte hartuko du, eta berreskuratutako antzinako barietateak dastatzeko saio gidatu bat eskainiko du: Gramona, uzta hoberenetako batzuetakoa; Chivite, Chivite Colección 125 gamako ardoen uztetako 15 ardo aparta eskainiko dituena; Ribera del Duero, bere #espirituribera erakutsiko duena, eta bere ardo onenetako hamar dastatzeko aukera eskainiko duena; eta DO Cava, Paraje Calificado cava-kategoria berriko lehenengo caven dastatze enigmatiko eta harrigarri bat aurkeztuko duena.
Edaria eta janaria uztartzea: zapore hautatuak eta modako zaporeak
Edaria eta janaria uztartzean, zaporeak elkartu eta batzen dira. Gastronomikak edaria eta janaria uztartzeko hiru saio programatu ditu Off atalean, ezagutza partekatuan sakontzeko. S.Pellegrinok saio gidatu bat aurkeztuko du, eta Josean Alija chefak (Nerua) eta Juan Cruz sommelierrak parte hartuko dute; San Miguelek esne gordinaren produktu nagusia goraipatzen du, eta bost garagardo eta nazioarteko gazta onenetako bost uztartzen ditu; eta Ostras Améliek kontsumo-esperientzia berriei buruz hitz egingo du, joera berrien showcooking baten bidez, “limoiaz, tabaskoaz eta mignonetteaz harago berritzea helburu duten guztiengana kalitatezko produktu bat hurbiltzeko”.
Atlantikoa eta Mediterraneoa
Bi jarduerak penintsula zeharkatuko dute, eta lurraldea eta produktua erakutsiko dituzte. Lisboatik, André Magalhãesek (Taberna da Rua das flores) Portugalgo petisco (pintxo) tradizionalez hitz egingo du, ikuspegi berritzaile garaikidetik, eta hango zapore tradizionalen kalitate handia eta aniztasuna erakutsiko ditu. Penintsularen beste muturretik, Balfegók Mediterraneoko atungorriaren ataltze ospetsuari buruz hitz egingo digu, eta Marc Miró chefak zuzenean kozinatuko du atungorria, hainbat eratara.
Xanpain-lehiaketa eta -dastatzea
Donostia xanpainaren munduko hiriburu bihurtuko da, “La Flèche d’Or” xanpain-lehiaketa izango baita. Lehiaketa horretan, xanpain-ekoizle enblematikoenetako batzuek parte hartuko dute, baina baita kontsumitzaile bakar batzuei zuzendutako ekoizpen mugatuak dituzten mahastizain txikiek ere. Horretaz gain, Vigneronek munduko xanpain esklusiboenetako bost dastatzeko tailerra eskainiko du; bost xanpain horiek nekez eskura daitezke merkatuan.
Gainera…
San Sebastian Gastronomika-Euskadi Basque Country biltzarra da, eta zenbait jarduera nahitaezkoak dira. Adibidez, Nerabeentzako Gastronomika dago, Gipuzkoako eskola-umeei zuzendutako hitzaldi berezia, Euro-Toquesen laguntzarekin emana. Oraingoan, Ramón Rotetak, Ander Gonzálezek eta Ivan Surinder chefak hitzaldi gastronomiko atsegin bat eskainiko dute, gazteenek modu dibertigarrian eta osasuntsu nola jan ikas dezaten, baita Indiako sukaldaritza ere.
Aurten ere Gastronomikan izango da “Aukeratu sukalde-laguntzailea”, Makroren eskutik. Jarduera dibertigarri horretan, chef handiak sukaldari gazteen laguntzaile gisa arituko dira. Parrilla Lehiaketa Nazionala ere ikusiko dugu. Zortzigarren urtea du aurtengoa, eta haragizaleen topaleku izango da. Lehiaketan, haragi onena eta parrillari onena sarituko dira.

Informazio gehiago lortzeko, hizlarien eta hitzaldien zerrenda osoa ikusteko, eta sarrerak erosteko: www.sansebastiangastronomika.com

Kursaal Eszenaren denboraldi berria, Estatu Batuetako Luna taldearekin hasiko da

Gaurkotasunak / 27 iraila, 2017

New Yorkeko rockaren ikurretako bat den Dean Wareham-ek zuzentzen duen taldeak, Kursaleko K Espazioan eskainiko du kontzertua, datorren asteartean, urriak 3 (20:00).
Estatubatuarren aurretik, Ramirez Exposure balentziarra eta Donostiako Oso Fan bikotea ariko dira hasierako kantari bezala.

Kursaal Eszenaren kontzertu-denboraldi berria (2017ko urria-2018ko urtarrila) datorren asteartean, urriaren 3an hasiko da, Luna taldearen kontzertuarekin (20:00). Emanaldia Kursaaleko K espazioan eskainiko da; 2015.urteaz geroztik, eta musikaren gozamena errazte aldera, zuzenekoak eserlekurik gabe eta formalismoak baztertuta eskaintzen dituen espazioan hain zuzen ere.

Dean Wareham (Galaxie 500 ohia) buru duen bandak bere azken bi lanak aurkeztuko ditu: alde batetik “A Sentimental Education” LPa, non bertsioak biltzen diren (The Cure, Fleetwood Mac, Mercury Rev, MInk DeVille…); eta bestetik “A Place of Greater Safety” EPa, zeina sei abesti instrumental berrik osatzen duten.

Kursaaleko kontzertua, penintsulan barna egingo den bira zabal baten lehendabiziko hitzordua izango da. Aipatu birak Bilbo, Santander, Zaragoza, Bartzelona, Mallorca edota Madril bezalako hiriak bisitatuko ditu urriaren 3tik 15 era.

Bere rock limurtzaileari esker, Luna taldea Lour Reed eta Tom Verlainek irudikatu zuten New York lakoniko haren ikur ezinhobea da. 2004ko udazkenean, taldeak zera jakin arazi zuen: “Rendezvous”, estudioko euren azken lanaren eta hura aurkezteko egingo zuten biraren ostean, agur esango zietela agertokiei. Hala, 2005ko otsailean euren ibilbidea eten zuten. 2015ean, aldiz, ibilbide horri berriz ekitea erakabi zuten, 1999 eta 2005 artean izan zuten formazio berarekin: Dean Wareham, Britta Phillips, Lee Wall eta Sean Eden.

Itzulerako birak (2015) ondorengoa egiaztatzeko balio izan zuen: bere aurreko taldea, Galaxie 500, desengin zenean Wareham urratzen hasi zen bide beretik jarraitzen zuela taldeak; aurreko banda haren abesti eliptiko eta limurtzaileak pultsazio gehiagoko zonaldetara gerturatzeko ahaleginean hain zuzen. Rosebuds-etik Broken Social Scene-ra, Beachwood Sparks-etik Black Rebel Motorcycle Club-era, Luna taldearen itzala oso luzea da. Pasa den irailaren 22an bandaren berpizkundea are agiazkoago egin zen gainera, urriaren 3an Kursaalen aurkeztuko dituzten bi disko berrien argitalpenarekin.

Urriak 3, asteartea, 20:00
LUNA+ Ramirez Exposure+ Oso fan
Kursaal-eko K Espazioa