menu

Kursaal Eszenak kontzertu-eskaintza handitu du bere denboraldi berrirako

Gaurkotasunak / 1 iraila, 2017

Hainbat eratako 16 proposamenek —popa, rocka, jazza, gospela, musika klasikoa, dantza eta musika familian—  osatuko dute 2017ko urria eta 2018ko urtarrila artean gauzatuko den denboraldia.

Kursaal Eszenak hamasei hitzordu proposatzen ditu bere denboraldi berrirako, zeina urriaren 3an hasiko baita, estatubatuar banda mitiko baten eskutik: Luna. New Yorkeko rockaren ikonoetako bat den Dean Wareham-ek zuzentzen duen taldea, bere azken bi diskoak aurkeztera etorriko da Kursaalera: bertsioez osaturiko LP bat da lehena, eta sei abesti instrumental berri jasotzen dituena bigarrena.

Denboraldi honetan, pop/rock atalean, berebat entzun ahal izango da Vanesa Martín Malagako abeslari eta konpositorea, zeinak bere album berria aurkeztuko duen (urriak 22); indie nazionalaren ikonoa den Los Planetas banda (azaroak 11); eta Ken Zazpi. Gernikarrek, Kursaalen eskainiko duten emanaldiarekin (azaroak 30), ipiniko diote urrezko brotxea Phoenicoperus beren azken sorkariaren aurkezpen-itzuliari.

Atal honetako eskaintza osatzeko, Holy Holy bandak omenaldi bat egingo dio David Bowieri (azaroak 2). Horretarako, musikari-talde honek — beraiek diotenez, “ez dira omenaldizko banda bat, egiazkoak baizik, espiritu hartatik bizirik geratzen direnak”— “Ziggy Stardust”en azken itzuliko errepertorio bera eskainiko du Kursaaleko kontzertu honetan.

Jazza maite dutenentzat, azaroaren 14an izango da Kursaal Eszenako denboraldi berriarekiko hitzordua, esparru honetako izen handietako baten eskutik. Chick Corea pianista, teklista eta konpositorea, oraingo honetan, Steve Gadd-en eta luxuzko banda baten ondoan arituko da gainera.

Gospel-musika, bestalde, proposamen gastro-musikal original baten ildo nagusia izango da. Hala, parte hartzaileek, Ni Neu jatetxeak zerbitzatutako afari batez (azaroak 25) edo bazkari batez (azaroak 26) gozatu ahal izango dute, The Como Mothers amerikar gospel-hirukotearen ahots indartsuez gozatzen duten bitartean.

Denboraldi honetako dantza-hitzorduan, Araba, Bizkaia, Gipuzkoa, Nafarroa eta Iparraldeko dantzari-talderik hoberenak izango dira protagonistak. Donostia Dantzan izenburupean, Euskal Herriko hainbat lekutan oraindik bizirik dirauten eta dantzatzen diren dantza tradizionalak eskainiko dituzte dantzari hauek (abenduak 10).

Kursaal Eszenako denboraldi berriko alderdi klasikoa G.F. Haendelen Giulio Cesare operarekin hasiko da, zeina kontzertuko bertsioan interpretatuko duen  Accademia Bizantina talde barroko ospetsuak (urriak 20). Operaren ondoren, denboraldi berri honetan bisitatuko gaituzte, baita: Bamberger Symphoniker orkestrak, nazionalismo musikalarekin estu lotutako programa sinfoniko batekin (azaroak 9); Philippe Jaroussky abeslari frantses erreferentziazkoak, zeinak, Ensemble Artaserse taldearekin batera, opera barrokoko ariez osaturiko programa bat landuko duen (azaroak 17); eta Yuja Wang  txinatar pianista famatuak. Azken hau, Europa osoko musikariek osaturiko ganbera-orkestra batekin, aurreneko aldiz arituko da Donostian (urtarrilak 15). Musika erlijiosoko maisulan batekin bururatuko da atal klasikoa: G.F. Haendelen Mesias, The King´s Consort taldeak interpretaturik (abenduak 16).

ursaal Eszenaren denboraldi berria osatzen duten proposamenen artean, aipamen berezia merezi du Jane Birkin abeslari, antzezle eta ikono estetikoak. Artista anglo-frantses honek bere disko berria aurkeztuko du, “Birkin-Gainsbourg le symphonique”, non Serge Gainsbourg konpositorearen abestirik txalotuenak interpretatzen dituen, Nobuyuki Nakajima japoniar pianistak eta 90 instrumentuko orkestra sinfoniko batek lagundurik (azaroak 29).

Azkenik, Musika Familian, gazteenei eskainitako tradiziozko programaren baitan, bi hitzordu eskainiko dira: “Hariekin lotu gabe, Pinotxo” (urriak 21) eta “Grimmen basoa” (azaroak 18).

Programazio berri honek ekainean bukatu zen denboraldia osatzen du. 2017ko lehen sei hilabetean, denboraldiak, hamasei kontzertu eskaini zituen, eta 20.088 ikusle bildu zituen guztira.

 KURSAAL ESKURA

Kursaal Eszenak, oraingo denboraldi honetan ere, aurrera egingo du Kursaal Eskura proposamenarekin; Donostiatik urrutien dauden gipuzkoar udalerrietatik datozen zaleei  Kursaalerako etorrera erraztea da ekimen honen helburua.

Antzuola, Arrasate, Bergara, Legazpi, Urretxu, Zumarraga, Oñati, Elgoibar,  Ezkio-Itxaso, Zumaia, Getaria eta Zarautzeko entzuleek izan dute jadanik ekimen honetaz gozatzeko aukera, Kursaal Eszenak antolatutako hamaika kontzertuetan, eta laster beste udalerri batzuek ere proiektu honetan parte hartzea espero da.

Kursaal Eskura 2014. urtean sortu zen, Kursaal Eszenaren eta Gipuzkoako zenbait udaletxeren elkarlanaren emaitzaz, eta doako autobus-zerbitzu bat jartzen du zaleen esku, udalerri horietatik abiatzen dena, eta, Kursaaleko kontzertua/ikuskaria amaitzen denean, jatorrizko abiapuntuetara itzultzen dena.

ABONUAK ETA SARRERAK

Abonuen salmenta,  musika klasikoko kontzertuetarako bakarrik, datorren astelehenean, irailaren 4an, hasiko da eta urriaren 20ra arte luzatuko da aldia. Abonuak Kursaal Eszenako bulegoetara gerturatuz (Zurriola 1,  Donostia. Ordutegia: astelehenetik ostiralera 9:30etatik 13:30ra) edota 943 00 31 70 telefonora deituz eskuratu ahal izango dira.

Bestalde, denboraldi honetako kontzertuetarako banakako sarreren salmenta irailaren 12an hasiko da, 11:30 h-tan, Kursaaleko leihatilan eta baita Kursaal Zentroaren weborrian (www.sarrerak.kursaal.eus).

Musika Hamabostaldiaren 78. edizioan, edukieraren 88% bete da Kursaal Auditorioa, eta aretoa 6 aldiz bete da erabat

Gaurkotasunak / 1 iraila, 2017

6 alditan bete da erabat Kursaal Auditorioa: “Carmen” (abuztuak 1 eta 2), BBC Philharmonic eta Donostiako Orfeoia (abuztuak 4), “Figaroren ezteiak” (abuztuak 13), Luxenburgoko Orkestra Filarmonikoa eta Donostiako Orfeoia (abuztuak 26) eta Cincinnati Symphony Orchestra (abuztuak 30).

Atzo esan zion Musika Hamabostaldiak agur 78. edizioari azken kontzertu sinfonikoarekin. Cincinnati Symphony Orchestrak itxiera eman zion atzo hilabete osoan zehar 90etik gora proposamen eskaini dituen edizio honi. Kontzertuak zein bestelako egitasmoak eskaini dira, eta milaka lagunek gozatu ahal izan dute jaialdiaz. Aurtengoa gainera, Cincinnati Symphony Orchestra Hamabostaldian jardun den lehen aldia izan da. Bi kontzertu eskaini ditu talde estatubatuarrak estreinakoz Hamabostaldian, eta Louis Langrée bere zuzendari titularraren batutapean, kutsu amerikarreko programak eskaini dituzte. Lehen hitzorduan, joan den asteartean, abuztuak 29, Bernstein, Copland eta Txaikovski-ren lanak entzun ahal izan ziren, eta atzo, berriz, Kursaal Auditorioa lepo bete zen John Adams minimalistaren “Short ride in a fast machine”, Bruch-en “Biolinerako eta orkestrarako 1. Kontzertua” (Renaud Capuçon biolinistarekin batera), eta Dvorak-en 9. Sinfonia, “Mundu Berrikoa” deritzona, entzuteko.

Aurreko edizioetan bezala, Kursaal Auditorioa ezinbesteko gune bilakatu da Musika Hamabostaldiarentzat. Iazko egitarauarekin alderatuta, aurten hiru emanaldi gehiago hartu ditu aipatu agertokiak, eta arrakasta sarritan errepikatu da bertan: 6 emanalditan bete da guztiz, eta edukieraren %88 bete da, batez beste, aretoa.

Jaialdia dagoeneko amaituta, leihatilan bildutako diru kopurua 975.000 euro gordinekoa da, eta honek, 2016eko edizioarekin alderatuz, %21eko igoera adierazten du. Kursaal Auditorioak aurten hiru saio gehiago hartu dituelako eta Hamabostaldiak aurten babesletza jakin batzuk jaso dituelako eman dira aipatu emaitzok. Bestalde, ikus-entzuleei dagokienez, aipatu 39.000 lagun inguru bertaratu direla 78. edizio honetara, hots, iaz baino %10 gehiago.

Auditorioko proposamen arrakastatsuenen artean aurkitzen dira Víctor Ullate Balletak eskainitako “Carmen” ikuskariaren bi hitzorduak, 78. Musika Hamabostaldia zabaldu zutenak, hain justu. Erabat bete zen aretoa, eta beterik egon zen orobat BBC Philharmonic-ek Hamabostaldian eskaini zuen bigarren saioan (aurten aurrenekoz aritu da orkestra jaialdian). Orkestra britainiarrak Donostiako Orfeoiarekin batera taularatu zuen “Fidelio”, Beethovenek idatzitako opera bakarra; kontzertu bertsioan aurkeztu zuten Juanjo Mena zuzendari titularraren gidaritzapean (abuztuak 4). Horrez gain, opera eszenaratuaren lehen emanaldirako sarrera guztiak agortu ziren (abuztuak 13). “Figaroren ezteiak” izan da aurtengo titulu esanguratsua, izan ere, duela 70 urte estreinatu baizen Hamabostaldian, eta orduztik ez baizen berriro taularatu.

Jaialdian lehen aldiz jardun den beste orkestretako bat izan da Luxenburgoko Filarmonikoa, eta Gustavo Gimeno zuzendari titularraren aginduetara, aretoa lepo bete zuten joan den abuztuaren 26an. Donostiako Orfeoiarekin batera, Verdi-ren “Requiem”-aren interpretazio hunkigarria bizitzeko parada izan zuten ikus-entzuleek. Halaber, esan bezala, Louis Langrée-ren zuzendaritzapean, Cincinnati Symphony Orchestrak lepo bete zuen atzo Kursaal Auditorioa edizio honetako azken kontzertuarekin.

Era berean, Antzinako Musika Zikloa, jarraitzaile fidelak izateaz gain, urtez urte, Santa Teresa Komentura ikus-entzule berri mordoa erakartzeko gai den zikloa da. Aurten, sekulako arrakasta izan du, izan ere, erabat bete baita agertoki hau eman diren bost kontzertuetan. Zikloak Claudio Monteverdi omendu zuen bere jaiotzaren 450. urteurrenean, eta Barrokoaren Urrezko Aroko musikagile alemaniar eta italiarren musika entzuteko parada izan zen, baita XVIII. mendeko espainiar errepertorioko lan
Musika Garaikideko Zikloak sorkuntza berritzaileenentzako plataforma ezin hobea izaten jarraitzen du. Aurten ere, proposamen urratzaileenekin txunditu gaitu zikloak, eta ohikoa denez, estreinaldiak hartu ditu, bi, hain zuzen ere: Elena Rykova eta Alberto Posadas-en lanena. Lehehengoa, Rykova-ren “Speaking objects”-en mundu mailako estreinaldia, Ricardo Descalzoren kontzertuan entzun ahal izan genuen (abuztuak 24). Eta bestetik, Sigma Project saxofoien laukoteak ekin zion Alberto Posadas-ek sortutako “Poética del Laberinto”-ren Europa mailako estreinaldiari (abuztuak 27), arreta handiena bereganatu zuen kontzertua bilakatuz.

Zintzo bete nahian haurrei zuzendutako eskaintza, Musika Hamabostaldiak beste pauso bat eman du honako 78 edizio honetan, babes handiagoa emanez aurreko edizioan abian jarri zituen ekimenei. Halaxe gertatzen da “Kantu Kontari” saioan: formato txikiko ikuskaria da, ipuin-kontalari bat eta haren laguntza musikala direla protagonista, iaz abuztuko hilabetean Kursaal Auditorioko Foyer-ean egin zena. Aurtengo edizioan, Kursaaleko saioak mantentzeaz gainera, ibiltaria bihurtu da “Kantu Kontari”, Haurren Hamabostaldi Ibiltaria eratuz, eta, hala, Zumaia (abuztuak 4), Getaria (abuztuak 17), Mutriku (abuztuak 24) eta Irun (abuztuak 25) bisitatu ditu. Orobat, txikienei zuzendutako tailerrak Donostiatik harago gauzatu dira, Irunen (abuztuak 11) eta Oñatin (abuztuak 18), hain zuzen ere. Egitasmo guztiek erantzun bikaina jaso dutela azpimarratzekoa da.

2018ko egitarauaren aurrerapena

Jaialdiko antolatzaileek hurrengo urteko edizioari begira lanean dihardute dagoeneko. 79. Musika Hamabostaldiak bere ikus-entzuleen artean arras ezaguna den orkestra bat hartuko du berriro ere, hots, Budapest Festival Orchestra, Ivan Fischer maisuaren zuzendaritzapean. Iaz aritu zen azkenekoz gurean, eta orduko hartan orkestra egoiliar gisa jardun zen, Kursaal Auditorioan hiru programa desberdin eskainiz. Bestalde, operarekin egin ohi den hitzorduari dagokionez, Hamabostaldiak Gioachino Rossini-ren obra bat eszenaratuko du bere 79. edizioan.

DonostArtean: Gaueko lehenengo arte-azoka izango da Donostian, eta azken belaunaldiko joera artistikoak eta musika ekarriko ditu

Gaurkotasunak / 11 uztaila, 2017

  • Bertaratzen direnek 150 artista baino gehiagoren 30 galeria eta obratik gora ikusi ahal izango dituzte
  • Musika-jaialdietan joera bihurtzen ari diren nazioarteko izen handien abestiak izango dira entzungai
  • Bertaratzen direnei edari bat ordainduko zaie, berariaz ekitaldi artistikorako sortutakoa

Uztailaren 20an, osteguna, jarriko da martxan Donostiartean International Art Night Market-en laugarren edizioa, eta Europa, Asia eta Erdialdeko Amerikako bederatzi herrialdetako galeriak eta artistak izango dira bertan. Nazionalitateen «koktel» horretaz gain, bestelako koktela eskainiko die azokak bisitariei zer pieza erosiko duten erabakitzen laguntzeko.

Donostian egingo den gaueko lehenengo arte-azoka da, eta joera artistiko eta musikal berritzaileenak bilduko ditu Kursaalen. Aurten, Donostiartean azokak galeria eta artista gehiago izango ditu, eta artelanek arrazoizko batez besteko prezioa izatea nahi du, artea guztiengana hurbiltzeko eta, horrela, arte-azoken beste kontzeptu bat sortzeko.

International Art Night Market berrikuntza, diseinu eta joera artistikoen gune konbinatua bihurtuko da, eta giro lasaia izango da bertan, gozatzeko eta bizitzeko.

Esan bezala, 30 galeria erakusketari baino gehiago izango dira, herrialde hauetatik etorritakoak: Alemania, Costa Rica, Espainia, Frantzia, Ingalaterra, Iran, Italia, Errusia eta Suitza. Galeria horietan, 150 artista baino gehiagoren lanak erosi ahal izango dira. Bost erakusketa-gune izango dira: Bertako eta nazioarteko galeriak; Kolaborazio-gunea, hainbat artistaren proiektuak eta egile-altzariak kokatzeko; Bertako artistak, bertako artistentzako gunea; Digital Room, arte digitala protagonista duen gunea, modan dagoen teknologia erabilita; eta Street Art for Kids, haurrentzat.

Azokaren lau egunetan, galerien inaugurazioak egingo dira etengabe; haietan, sektoreko profesionalak, bildumagileak eta artezaleak giro lasaian elkartzen dira, ingurune artistikoaz gozatzeko, zuzeneko musikaz, koktelez eta mokaduez lagunduta.

Azokak globoz beteko du hiria; promozio deigarria eta dibertigarria egingo du, eta lau informazio-puntu izango ditu Donostiako erdialdeko kaleetan. Globo arrosek identifikatuko dituzte puntu horiek, uztailaren 16tik 23ra Donostiartean International Art Night Market azokaren espiritua Donostian barrena zabaltzeko.

Ashkenazy-tar bi belaunaldik bi pianorentzako errepertorioan murgilduko dira

Gaurkotasunak / 2 ekaina, 2017

Teknika lanuda eta musikaltasun bikaina dituen Vladimir Ashkenazy, azken belaunaldiko pianistarik nabarmenetakoa da, zalantzarik gabe.

 

Zenbait urte eman ondoren pianista gisa jendaurrean jardun gabe, eta oso errezital-agenda murritzarekin, Vladimir Ashkenazy Vovka bere semearekin dator Kursaalera, lau eskuko eta bi

pianoko programa interesgarri batekin. Lau eskuko errepertorioa oso zabala da, eta etxe barneko entretenimendurako egindako musikarekin dago batez ere lotua. Bi pianorako obrak, berriz,

jendaurrean interpretatzekoak izaten dira, eta, gehienetan, efektistagoak eta birtuosoagoak izan ohi dira esku bakarrekoak baino. XVIII. mendearen erdialdetik aurrera, musikagileek etengabe erantzuten diote bikoteko pianoarentzako musitaren eskariari. Schuberten lau eskuko pianorako

lanak salbuespen dira, eta parekorik gabea, literatura musikalean; ez dago genero honetan halako intentsitatez aritu den konpositorerik. Divertissement la hongroise obra 1824an konposatu

zuen Schubertek, Hungarian egin zuen egonaldi batean, herri-doinu hungariar batean oinarriturik, eta obra folklorista da, jeinuz eta Schubertek berezkoa zuen nostalgiaz betea.

 

Smetanaren Nire aberria saila osatzen duten sei poema sinfonikoetako bat da Vltava (edo Moldava ibaia). Honako hauxe da inondik ere egilearen piezarik ezagunena, eta XVI. mendeko

doinu ospetsu baten egokitzapenean oinarritzen da. Izan ere, herri askok beren errepertoriokotzat hartzen dute obra hau, besteak beste bretoiek, eskoziarrek, poloniarrek eta flamenkoek.

XIX eta XX. mendeetan asko zabaldu zen pianorako literatura, baita bi interpreterentzako piezen errepertorioa ere. Ravelen Espainiar Rapsodia bi pianorako obra gisa sortu zen aurrena,

eta egileak segituan orkestratu zuen. Obraren lau mugimenduek oso multzo homogeneoa osatzen dute, eta hartan iritsi zuen Ziburuko musikagilearen birtuosismo tinbrikoak mailarik gorena.

Erromantizismoaren estetika berriak bi pianoren erabilera sustatu zuen, instrumentuaren efektuak eta soinukalitatea areagotzeko xedeaz. Horren erakusgarri argia da Rachmaninoven 1. suitea, 1893an konposatua, Lermontov, Byron, Tiutchev eta Komiakov idazleen poemen zati banarentzako.

 ASHKENAZY-TARRAK ETA ERRUSIAR MUSIKA
Ekainak 4 igandea / 19:00
36 / 29 / 24 / 20 /12 €
Vladimir Ashkenazy, piano
Vovka Ashkenazy, piano

Kursaalean izango da Mediku Orokorren eta Familiakoen XXIV. Biltzar Nazionala, 4.000 pertsona bilduko ditu Donostian

Gaurkotasunak / 11 maiatza, 2017

Mediku Orokorren eta Familiakoen Espainiako Elkarteak (SEMG) 4.000 pertsona bilduko ditu Donostian maiatzaren 18tik 20ra bitartean, urteko hitzordurik garrantzitsuenean.

Egun horietan, Mediku Orokorren eta Familiakoen XXIV. Biltzar Nazionala izango da. Aurten, lehen aldiz, Euskal Herrian egingo da, hain zuzen ere, Donostiako Kursaal Biltzar Jauregian. Biltzarraren harira, lehen mailako arretarako garrantzitsuak diren gai ugari aztertuko dira hiru egunez, lehen mailako arretaren bidez sartzen baitira pazienteak osasun-sisteman.

Orobat, SEMG elkartearen biltzar nazionala topagune ere bada patologia eta gaixotasunei dagokienez egunean egon nahi duten herrialdeko hainbat tokitako familiako medikuentzat, pazienteei arretarik onena eskaintzen jarraitu nahi baitute.

Interes handiena pizten ari diren gaien artean sedazio aringarria dago; bizitzaren amaierako zaintzei buruzko eztabaida-mahaian aztertuko da gai hori. Bertan, tratamendu mediko horri buruzko ika-mika batzuk argitzen saiatuko dira; hain zuzen ere, ea, medikuak sedazio aringarria jartzen dionean fase terminaleko gaixoari, heriotza eragiten ari zaion edo hil bitartean sufritzea saihesten ari den.

Era berean, eguneratze-foroan, lehen mailako arretaren erronketako bati helduko zaio; hots, kronikotasunari. Izan ere, bizi-itxaropena handitu denez, osasun publikoa eta osasun-arreta hobetu direnez, eta bizi-estilo jakin batzuk hartu direnez, gaur egun nazioarteko eredu epidemiologiko nagusia gaixotasun kronikoek osatzen dute. Bi ikuspegitatik aztertuko da kronikotasuna; batetik, lehen mailako arretako profesionalaren ikuspegitik, eta, bestetik, pazientearen beraren ikuspegitik.

Paraleloki, askotariko komunikazioen bidez partekatuko dituzte esperientzia klinikoak Espainiako hainbat tokitako eta beste herrialde batzuetako (adibidez, Latinoamerika) familiako medikuntzako profesionalek. Hain zuzen ere, 1.800 komunikazio baino gehiago jaso dira, eta biltzarrean aurkeztuko dira, poster moduan edo ahozko aurkezpen gisa.

Inaugurazio-hitzaldia

Mediku Orokorren eta Familiako Medikuen XXIV. Biltzar Nazionaleko inaugurazio-hitzaldia Edurne Pasabanek emango du, hobetzeko nahiaren eredu, munduko 14 zortzi milakoak igo dituen lehenengo emakumea izan baita. Ardura eta ahalegin horren emaitza gisa, sari ugari jaso ditu, besteak beste, Kirol Merituaren urrezko domina eta Urteko Kirolari Onenaren Reina Sofia saria (2011).

Jarduera kultural gisa, Donostiako Orfeoiak kontzertu bat eskainiko die SEMG elkartearen biltzar nazionalean parte hartuko dutenei, ostiral gauean, Kursaaleko auditorioan, Donostiako Udalaren eskutik. Izan ere, bai Udala, bai Gipuzkoako Foru Aldundia elkarlanean aritu dira biltzarra hirian izan zedin.

Mediku Orokorren eta Familiakoen XXIV. Biltzar Nazionala gure herrialdean gaitasunen arabera egiaztatuta egongo den lehenengo biltzar nazionala izango da. Biltzarraz gain, Mediku Orokorren eta Familiakoen Espainiako Elkarteak ikastaroak ere eskaini ditu, medikuek zer gaitasun izan behar dituzten dioen txostenarekin batera, oso erabilgarria etorkizunean medikuak berriro ziurtatzeko.

Rene Jacobs Maisu handia Kursaalera dator berriz ere Mozart eta Beethovenen obrak interpretatzeko

Gaurkotasunak / 10 maiatza, 2017

Rene Jacobs Maisu ezaguna Kursaalen arituko da bihar ostegunean (Maiatzak 11), Helsinki Baroque Orchestrarekin batera, Mozart eta Beethovenen interpretazio berezi bat eskaintzeko.

René Jacobsek 250 grabaziotik gora egin ditu; oso lan handia egin du abeslari, zuzendari, ikerlari eta irakasle gisa, eta leku nabarmena eskuratu du ahozko musika barrokoaren eta klasikoaren esparruan. Garai klasikoko musikagile nagusietako biren obrekiko programa bat aurkezten du oraingoan, Beethovenen lehen garaiko bi obrekin batera.

Kontzertua, “Mozart suediarra” deitzen zaion, Kraus konpositorearen Dido eta Eneas obraren suitearekin hasiko da. Haydnek aitortu zuen bi jeinu ezagutu zituela bere bizitzan; Kraus zen haietako bat (bestea, nonbait, Mozart zen). Oso obra oparoa utzi zuen, besteren artean beste musikagileei egotzi zitzaizkien sinfonia batzuk, eta galdu diren beste asko. Krausek Dido & Eneas opera idatzi zuen (“Eneas Kartagon” ere esaten zitzaion) Stockholmeko opera berrirako, Dido, Kartagoko erreginaren eta Eneas troiar heroiaren arteko maitasunezko istorioa kontatuz.

Jacobsek Mozarten errepertorioa sakontzen du austriar musikagilearen aria-sorta batekin. Izan ere, Mozart izan da ahotserako konpositoreetan historiado handienetako bat. Kontzertuko aria operako arien antzeko aria edo eszena bat da, egitura eta estilo librean eta ahotserako eta orkestrarako ondua, eta Mozartenak dira gaur egun maizenik interpretatzen direnak. Alma grande e nobil core guztiz ezaguna historiako soprano handi guztiek interpretatu dute, baita Bella mia fiamma, addio! zoragarria ere.

Kontzertuaren bigarren zatian, Beethovenen lehen sinfonia izango da nagusi. “Adio XVIII. mendeari” den honetan (ia segurua baita 1799koa dela), estiloa tradizionala da oraindik, eta orkestra tipikoki haydindarra da; alabaina, badira berezitasun batzuk Beethovenen talentua agertzen dutenak, orduantxe azaltzekoa baitzen hura bere betetasunean; xehetasun askok osaturiko berezitasun bat da, obra honen lehen entzuleei inondik ere harrigarria gertatuko zitzaiona.

HELSINKI BAROQUE ORCHESTRA
Maiatzak 11 osteguna / 20:00
46 / 37 / 30 / 24 / 12 €

Helsinki Baroque Orchestra
René Jacobs, zuzendaria
Sophie Karthäuser, sopranoa

carritoSarrera erosi

Loquilloren biharko kontzerturako azken sarrerak

Gaurkotasunak / 4 maiatza, 2017

Bihar, maiatzak 5, helduko da Loquillo Kursaal Auditoriora (20:00), “Salud y Rock & Roll” bere itzulian. Titulu hori bera du 2016ko arrakasta handietako bat izan den disko baten lehen bakunak ere.

“Salud y Rock & Roll” himno errebelde bat da, Loquillok berak eta Juan Mari Montes poetak izenpetua. Horrek eta beste 11 abestik osatzen dute Loquilloren azkeneko diskoa, “Viento del este” (Warner). Disko horretan, rockaren hizkera erabiliz, gaurko errealitateaz eta jadanik ez dauden gauzen eta pertsonen oroitzapenaz mintzatzen da Loquillo. José María San-ek jadanik existitzen ez den Clot bere auzoan duela bost urte egin zituen argazki batzuetatik sortu zen ideia.

Albuma Josu Garcíak eta Mario Cobok ekoitzi dute eta hamabi abesti dauzka, besteren artean, “En el final de los días”, “Limousinas y estrellas”’, “A tono bravo”,  “El mundo que conocimos” edota “Viaje al norte” titulu iradokitzaileak dauzkatenak. Abesti horiek guztiak Carlos Segarrak, Sabino Méndezek, Igor Paskualek, Mario Cobok eta Leivak sinatu dituzte, eta Loquillo eta Carlos Zanón, berriz, arduratu dira hitzen idazketaz.

Loquillo, morroi gogorra, itxura bikainekoa, askoz ere gehiago da rock and roll-eko ohiko abeslaria baino. Auzoko makarraren larrua eta traje akasgabea eta ganster-kapela daramatzan dandyaren estiloa bateratzen ditu haren estetikak. Ez daki ahoa itxita edukitzen, eta beraren adierazpenak zurrunbiloaren erdi-erdian egoten dira beti. Loquilloren iritziak su-piztaileak izaten dira beti. Hurbildu izan da politikaren mundura, baina, denbora igaro ahala, desilusionatuz joan da; ez da otzandu ordea, hortxe jarraitzen du, beha, inork uste ez duenean eraso egiteko.

 

Ostirala, maiatzak 5 / 20:00

25 €

Últimas entradas para el concierto de Loquillo en el Kursaal

Gaurkotasunak / 4 maiatza, 2017

Datorren ostiralean, maiatzak 5, helduko da Loquillo Kursaal Auditoriora (20:00), “Salud y Rock & Roll” bere itzulian. Titulu hori bera du 2016ko arrakasta handietako bat izan den disko baten lehen bakunak ere.

“Salud y Rock & Roll” himno errebelde bat da, Loquillok berak eta Juan Mari Montes poetak izenpetua. Horrek eta beste 11 abestik osatzen dute Loquilloren azkeneko diskoa, “Viento del este” (Warner). Disko horretan, rockaren hizkera erabiliz, gaurko errealitateaz eta jadanik ez dauden gauzen eta pertsonen oroitzapenaz mintzatzen da Loquillo. José María San-ek jadanik existitzen ez den Clot bere auzoan duela bost urte egin zituen argazki batzuetatik sortu zen ideia.

Albuma Josu Garcíak eta Mario Cobok ekoitzi dute eta hamabi abesti dauzka, besteren artean, “En el final de los días”, “Limousinas y estrellas”’, “A tono bravo”, “El mundo que conocimos” edota “Viaje al norte” titulu iradokitzaileak dauzkatenak. Abesti horiek guztiak Carlos Segarrak, Sabino Méndezek, Igor Paskualek, Mario Cobok eta Leivak sinatu dituzte, eta Loquillo eta Carlos Zanón, berriz, arduratu dira hitzen idazketaz.

Loquillo, morroi gogorra, itxura bikainekoa, askoz ere gehiago da rock and roll-eko ohiko abeslaria baino. Auzoko makarraren larrua eta traje akasgabea eta ganster-kapela daramatzan dandyaren estiloa bateratzen ditu haren estetikak. Ez daki ahoa itxita edukitzen, eta beraren adierazpenak zurrunbiloaren erdi-erdian egoten dira beti. Loquilloren iritziak su-piztaileak izaten dira beti. Hurbildu izan da politikaren mundura, baina, denbora igaro ahala, desilusionatuz joan da; ez da otzandu ordea, hortxe jarraitzen du, beha, inork uste ez duenean eraso egiteko.

LOQUILLO
Ostirala, maiatzak 5 / 20:00
25 €

“Las bodas de Fígaro”, BBC Philharmonic eta Juanjo Mena 78 Musika Hamabostaldian Kursaalean

Gaurkotasunak / 27 apirila, 2017

BBC Philharmonic Juanjo Menaren zuzendaritzapean, operaren berreskuratzea “Las bodas de Fígaro”rekin eta lau ospe handiko orkestra internazional dira, beste batzuen artean, abuztuaren 1etik 30era izango den 78 Musika Hamabostaldiko berritasun nabarmenenak.

Kursaal Auditoriorako diseinatu den programa BBC Philarmonic-en bi kontzerturekin zabalduko da. 2011az geroztik bere zuzendari titularra den Juanjo Menaren gidaritzapean ariko da orkestra britainiarra (abuztuak 3 eta 4). Mena gasteiztarraren konpromezu sendoa du BBC Philarmonic-ek, hain justu Hamabostaldian lehen aldiz parte hartuko duen orkestra britainiar handienetarikoa. Hala, abuztuaren 3ko programan Berliozen “Sinfonia fantastikoa” interpretatuko du, eta jarraian Elgarren “Biolontxelorako Kontzertua”, Asier Polo bakarlariaren partehartzearekin. Hurrengo egunean Donostiako Orfeoia izango du bidelagun orkestra britainiarrak “Fidelio” operaren eszenarik gabeko moldaketa eskaintzeko. Londreseko Proms-ak eta Musika Hamabostaldia elkarlanean ariko dira Beethovenek idatzitako opera bakarraren kontzertu-bertsio honetan.

Iazko edizioan izandako arrakastaren ondotik, Balthasar-Neumann-Abesbatza eta Bakarlariak & Balthasar-Neumann-Ensemblek Kursaaleko bigarren hitzordu sinfonikoa sinatuko dute aurten. Hamabostaldiko publikoak bigarrenez entzun ahal izango ditu bi taldeak (abuztuak 19) Thomas Hengelbrock maisu alemaniarraren esanetara.

Hain zuzen ere, beste meza bat bilakatuko da Euskadiko Orkestra Sinfonikoaren eta Andra Mari Abesbatzaren egitarauaren protagonista (abuztuak 21): Haydn-en “Nelson”, musikagile austriarraren lan sinfoniko-koral handienetakoa, orain arte jaialdian interpretatu gabea. Antzinako musikan aditua den Paul Goodwin-en batutapean ariko da orkestra, eta bere osotasunean eskainiko den barrokoaren pieza bitxi batekin emango dio itxiera emanaldiari, hots, Haendel-en “Musika Urtarra”-rekin.

Asian Youth Orchestrak hartuko du EOSen lekukoa Kursaal Auditorioan. Asiako musikari gazte gailenak biltzen dituen orkestra lehen aldiz aurkeztuko da aurtengo Musika Hamabostaldian (abuztuak 23), musikari gazteekin trebatu den James Judd zuzendari britainiarraren aginduetara.

BBC Philarmonic eta Asian Youth Orchestrarekin batera, Orcheste Philarmonique du Luxembourg izango da aurtengo edizioan estreinakoz ariko den beste orkestretako bat. Bi egitarau ezberdin dakartza taldeak: Lehenengo saioak, (abuztuak 25) XIX. eta XX. mendeko musika errusiarrari eskainiak. Bigarren emanaldian (abuztuak 26) Donostiako Orfeoia izango du lagun Verdiren “Messa da Requiem” entzutetsuari ekiteko. Bi kontzertuetan 2015/16 ekitaldiaz geroztik bere zuzendari titularra den Gustavo Gimeno-ren batutapean jardungo du orkestrak. Juanjo Mena eta Pablo Heras-Casado bezala, nazioarteko agertokietan arrakasta lortzen ari den espainiar zuzendarien belaunaldi berriaren protagonistetako bat da Gimeno balentziarra.

Egitarau sinfonikoari itxiera emango dioten azken bi emanaldiak AEBko talde batek sinatuko ditu, Cincinnati Symphony Orchestrak. Ospakizunerako aitzakia izango da Hamabostaldiarentzat, izan ere, 1996an jaso baizuen azkenekoz amerikar kontinentetik heldutako orkestra baten bisitaldia, Cleveland-eko Orkestrarena, alegia. Oraingoan, eta Louis Langrée zuzendari titularraren esanetara, Cincinnati Symphony Orchestrak 78.

Musika Hamabostaldiak opera antzeztuarekin izan ohi duen hitzordua berreskuratu du 78. ediziorako eta W.A. Mozarten sorkuntzarik interesgarrienetakoa, eta gaur arte jaialdian interpretatu gabekoa dakar: “Figaroren Ezteiak” (abuztuak 13 eta 15). Euskadiko Orkestra Sinfonikoa eta Easo Abesbatza ariko dira Yi-Chen Lin Taiwaneko zuzendari gaztearen batutapean. Hain justu, Hamabostaldian emakume bat zuzendari gisa jardungo den lehen aldia izango da hau.

Azkenik, Kursaal Auditorioan urtero egiten den dantza-saioan, Víctor Ullateren Balleta eta haren “Carmen” ikuskariaz gozatu ahal izango dugu.

Sarreren salmenta

Sarreren salmenta ekainaren 1ean hasiko da, Kursaaleko leihatiletan eta www.quincenamusical.eus -en.

Txaikovskiren musika izango da Kursaal Eszenako hurrengo kontzertuko protagonista

Gaurkotasunak / 20 apirila, 2017

Txaikovskiren musika-jeinuak bere indar eta edertasun guztia berreskuratuko du, Tchaikovsky Symphony Orchestrak datorren apirilaren 22an, 20:00etan Kursaal Auditorioan eskainiko duen kontzertuan.

Moskuko Txaikovski Orkestra Sinfonikoa Errusiako orkestra ospetsuena eta egokikorrenetako bat delakoan hartzen da. 1930ean sortu zen, Sobietar Irratiko lehen orkestra gisa. 1974az gero Vladimir Fedoseyev da orkestraren zuzendaria, eta Opernhaus Zurich eta Zuricheko Tonhalle-ko zuzendari gonbidatua ere bada.

Varvara piano jolearen talentuaz lagunduta Txaikovskiri buruzko lan monografiko bat aurkezten dute, egilearen lan ezagun eta interpretatuenetako birekin: sinfonismoa, birtuosismoa, folklorearen eta dantzaren elementuak ageri dira errusiar musikagilearen Pianorako 1. kontzertuan, zeina dinamismo handikoa eta lirismo zabalekoa baita.

Txaikovskik suite bat konposatzeko asmoa zuen 1875ean idatzitako Beltxargen aintzira balletetik abiatuta,  baina ez zen asmo hura betetzera heldu. Maitasunaren eta magiaren artean gertatzen da obra, bere koadroetan ongiaren eta gaizkiaren betiereko borroka lotuz. Sigfrido printzea da protagonista, zeina Odetterekin maitemindua baitago, Von Rothbartzitalaren aztikeria batek beltxarga bihurtu duen neskatxa.1900. urtean haren editore Jurgensonek hautaturiko ballet-zati batzuk argitaratu zituen, eta harrezkero orkestra-zuzendari askok ballet honen hainbat suite osatu dituzte, bakoitzak bere gustu pertsonalen arabera. Kasu honetan, Fedoseyevek gehiena interpretatzen diren zenbakietako batzuk hautatu ditu Balsa, Sarrera, Beltxarga txikien dantza eta Ekintza Pausoa bere biolin-solo zoragarriarekin, edota Azken Eszena.

 

TCHAIKOVSKY SYMPHONY ORCHESTRA

Apirilak 22 larunbata  / 20:00

51 / 41 / 33 / 27 / 12 €

Vladimir Fedoseyev, zuzendaria

Varvara, pianoa

Determinazioa da 15. Eurogap Marketig Foroko gakoa

Gaurkotasunak / 3 apirila, 2017

15. Eurogap Marketing Foroa, “Determinación. La clave para construir valor en tu empresa” lelopean, apirilaren 27an izango da Kursaal Jauregiko Kamera Gelan, non Pilar Jéricok mahai gainean jarriko duen “nahi dut eta ahal dut” idea.

15. Eurogap Marketing Foroak bizitza pertsonalerako eta profesionalerako kontzeptu berria, freskoa eta ezin garrantzitsuagoa landuko du: determinazioa. “Determinación. La clave para construir valor en tu empresa” lelopean, Pilar Jéricok erakunde barruan erabakiak hartzeko gaitasunaz eta “nahi dut eta ahal dut” gaiak landuko ditu. Enpresek balio irabazteko gaitasuna garatzearen helburuarekin.

Ekitaldian 4. Eurogap eker ona egingo zaio Javier Roquerori, Salto Systemseko bazkide eta sortzaile eta egun Zuzendari Exekutibo, ibilbide profesional zabala duena kontsumo, industria eta teknologia sektoreetan, beti koherentzia eta integritate eredu izanik.

Bertaratzen den orori, “¿Y si realmente pudieras? La fuerza de tu determinación” liburuaren alea emango zaio.

Leiva Kursaalera dator Monstruos bere birarekin

Gaurkotasunak / 31 martxoa, 2017

Datorren apirilaren 2an helduko da Leiva Kursaal Auditoriora, arratsaldeko 19:00etan, hiri askotan sarrerak agortu ondoren: Bilbo, Valentzia, Santander, Granada eta A Coruñan.

Kontzertu honetan, beren hirugarren diska aurkeztuko du, “Monstruos”, zeinean nabarmentzen baitira doinu konfesianal eta lotsagabeko hitzak, argi eta garbi mintzatzen direnak. Leivak, diska honetan, ahalik eta gehiena ustiatzen du bere eztarriko miau-hotsa, eta emozio piroteknikoen sura jotzen du: maitasuna eta maitasunaren zalantzak, adiskidetasuna eta adiskidetasunaren traizioak, arrakasta eta arrakastaren bi alderdiak.

Gitarren rock anglosaxoia (hirurogeien amaierako rock amerikarretik hasita gaur egun artekora), rock espainiarra eta argentinarra barneratua daukan, eta geneetan daramaren jakintzaz erabiltzen eta egunero lantzen dituen Leiva batez gozatuko dugu. Lehen singleak “Sincericidio” zuen izena, eta hartan jadanik aurreratu zuen oraingo diskaren konstante bat: tentsio primarioak bridatzen ditu Leivak, horretarako lelo kartsuak erabiliz, bere buruarekiko leial joaz.

“Monstruos” hondamenaren ondoko zirimolo elektrikoa izan daiteke: “El último incendio” edo “Guerra Mundial” itsasgarria belaunaldi baten zarata dira, “Sincericidio” estandarte irmo eta eskisito bat, “La Lluvia En Los Zapatos” rock’n’roll magnetiko bat bere kontrako poloen historiarekin bere erroetatik aterea, “Electricidad” alderdi ilunetik mugitzen da, orbain bat eta soinu-horma bat utziz, “Medicina” gutun krudel eta zintzoa da, exorzismo bat. “Monstruos” honetan badira ozen egindako aitorpenak, beren hegoak modu kezkagarrian zabaltzen eta intentsitatearekin jolasten direnak, hala “Breaking Bad” eta “Dejándose caer” abestietan, edota “Hoy Tus Ojos” liluragarrian edo “Monstruos” lazgarrian. “Monstruos”etik giza harremanak eta leku geografikoak atera litezke; “San Sebastián – Madrid” eta “Palermo No Es Hollywood” abestiek bihotzaren puntu kardinelen modura funtzionatzen dute.

LEIVA
Apirilak 2, igandea / 19:00
27 €

carritoSarrera erosi

Barrokoko obra gorenetako bat den eta Bachek konposatu zuen “Pasioa San Mateoren arabera” Kursaalen entzungai Amsterdameko Orkestra eta Abesbatzaren eskutik

Gaurkotasunak / 30 martxoa, 2017

Easo Eskolania lehen zatiko hainbat ataletan arituko da

 Amsterdam Baroque Orchestrak & Choirrek, datorren larunbatean, apirilak 1ean, musikaren historiako obra erlijioso nagusiena den “Pasioa San Mateoren arabera” eskainiko dute, taldeko sortzaile den Ton Koopmanen zuzendaritzapean.

Obra honetan, testua eta musika, Ebanjelioko testuarekiko leialtasuna, goren mailako sorkuntza poetikoa… horiek guztiek bat egiten dute obra honetan, halako eran non ezin baitugu alderdi jakin bat bereizi besteak baino nabarmenagoa delakoan.

Kristoren sufrimendua eta heriotza irudikatzen ditu obrak, San Mateoren Ebanjelioaren arabera kontatuak. Bi ordu eta erdi irauten du eta musikagilearen obrarik zabalena da. 1727 eta 1729 bitartean konposatu zuen eta 1729ko apirilaren 15ean interpretatu zen (Ostiral Santua zen), Leipzigen, musikagilearen zuzendaritzapean. Bachek beharrezko baliabideak izan ez zituen emanaldi batean: kexatu egin zen, koruko 54 kideetatik 17 bakarrik aritu zirela behar bezalako mailan. Bach hil ondoren, ahaztua geratu zen obra (eta Bachen obra osoa oro har), harik eta 1829an Felix Mendelssohn konpositore eta zuzendariak Berlingo Sing-Akademie-n berriz interpretatu zuen arte.

Amsterdam Baroque Orchestra & Choir, Ton Koopmanek (klabezinista eta zuzendaria) sortu zuen. Musika historizistan adituak dira eta Ton Koopman berak zuzenduko du Kursaaleko kontzertua.

Orkestra eta abesbatzaz gain, honako ahotsek parte hartuko dute kontzertuan: Yetzabel Arias sopranoa, Bogna Bartosz kontaaltoa, Tilman Lichdi tenorra eta Donald Bentvelsen eta Klaus Mertens baxuak izango dira San Mateoren Evangelioan jasotzen den Pasioaren protagonistak.

 

AMSTERDAM BAROQUE ORCHESTRA & CHOIR
Sábado 1 de abril / 19:00
56 / 45 / 36 / 29 / 12 €
Amsterdam Baroque Orchestra & Choir
Ton Koopman, zuzendaria
Tilman Lichdi, Evangelista
Andres Wold, Cristo

carrito Sarrera erosi

Manu Muniategiandikoetxeak sortu du 78. Musika Hamabostaldiko kartela

Gaurkotasunak / 28 martxoa, 2017

78. Musika Hamabostaldiko kartel berrian, Manu Muniategiandikoetxeak sortua, agertoki gainean zintzilik dagoen uztai konzentrikoz osatutako eskultura abstraktua ikus daiteke.

Alexander Rodchenkoren sail bateko 9. artelanean arnas hartutako pieza abstraktua da, 78. Musika Hamabostaldiak irudi izango duen kartelaren abiapuntua. Egileak, Manu Muniategiandikoetxea margolari eta eskultoreak (Bergara, 1966), hamar urtetik gora daramatza artista errusiarraren artelan honekin lanean: “Rodchenkoren pieza horretan inspiratzen diren eta modu ezberdinetara berrinterpretatzen duten marrazki, margolan eta eskultura ugari dauzkat, baina pieza hau berezia da, arraroa, amaitugabeko artelan bat, barnealdean piezak falta dituen eskultura osatugabea dirudielako. Dena den hutsune hori, erdialdean marko batek inguratuta bezala gelditzen den espazio hori, nik gogoko dut, gertatzeke dagoena, gertatzea espero duguna irudikatzen bait du eta horixe bait da, hain zuzen ere, musika; Musika Hamabostaldia bera”.

Eskultura, elkar lotzen eta elkar gurutzatzen diren egurrezko bost uztai konzentrikok osatzen dute. Ozta-ozta igartzen den burdinazko hari bat bitarteko dela, pieza zintzilik ageri da jaialdiaren datuek osatzen duten habetik (78 Quincena Musical / Musika Hamabostaldia / Abuztua 1-30 Agosto / 2017 / Donostia-San Sebastián), eta gainaldetik datorren argi indartsu batek bere itzala agertoki batean irudikatzen du: “Nere ustez, kartelaren zati garrantzitsu bat da itzala: musikari eta Musika Hamabostaldia berari forma eman nahian sortu dudan pieza abstraktua gorpuzten bait du itzal horrek, ikusten ez badira ere hor daudela sumatzen diren agertoki batean eta publiko baten aurrean”.

Kartel honekin Manu Muniategiandikoetxea Hamabostaldiaren irudi ofiziala sortu duten artisten zerrenda luzean sartzen da non, besteak beste, izen hauek ageri diren: Eduardo Chillida, Vicente Ameztoy, José Luis Zumeta, Cristina Iglesias

Manu Muniategiandikoetxeri buruz gehiago

Manu Muniategiandikoetxea lizentziaduna da Euskal Herriko Unibertsitateko Arte Ederretako pintura eta eskultura espezialitateetan. Erakusketen eremuko ibilbidea  1989. urtean urratu zuenetik, bakarkako nahiz taldekako hainbat erakustaldi egin ditu. Era berean, modu aktiboan parte hartu du lehiaketa eta sariketeta ezberdinetan, aitorpen ugari lortuz. Bere lanetan, Muniategiandikoetxea ikertzaile nekaezin bat bezala agertzen da. Historiografiaren iturrietara sarritan jotzen du eta bere intereseko diren beste artista batzuen lanak disekzionatzen ditu, haien poetikak maileguan hartu eta bere sorkuntza lanetan berrinterpretatzeko.

Artistak honela azaltze du sorkuntza hau: “Gisa honetako lanei ekiterakoan, lehen lehenik egiten dudana era guztietako informazioa jasotzea da: norentzat den kartela, zeini zuzentzen zaion…. Era berean, kasu konkretu honetan, Hamabostaldiko kartelen historia ere aztertu dut, kartel ezberdinak gauzatu dituzten artistetan erreparatuz eta horietako bakoitzak bere artelana ebazteko enplegatutako teknika ikertuz. Eta behin informazio hori guztia barneratuta, osagai guztiak bildu, lapikoan sartu eta su geldoan sukaldatu ostean, lehen proposamenak itxuratzen hasten dira”.

Steve Hackett Kursaalen arituko da sarrera guztiak agortuta daudelarik

Gaurkotasunak / 23 martxoa, 2017

Kontzertua ostiralean ospatuko da martxoaren 24ean, arratsaldeko 20:00etan, Kursaaleko Ganbera Aretoan

  1. hamarkadan Genesis banda mitikoaren gitarrista izandako Steve Hackett Kursaalen arituko da, ikuskizun berri eta zirraragarri batekin: “Tour Genesis Revisited with Classical Hackett”.

Steve Hackett eta bere musikariek, Genesis talde ezagunaren kantak nahiz bakarka argitaratu duen diskoko kantak abestuko dituzte. Hala nola, “Wind and Wuthering” albumeko hainbat abesti eskainiko dituzte, diskoaren 40. urteurrena betetzen den honetan. Set listak gainera, “The Musical Box” bezalako kuttunak ere hartzen ditu, orain arte inoiz interpretatuak izan ez diren Genesis taldearen hainbat abestiz gain. Esaterako, “Inside & Out” eta “Anyway”, beste batzuen artean. Hau guztiaz gain, Hackettek bere azken diskoko hainbat abesti eskainiko ditu.

Steve Hackett, rock progresiboko Genesis taldearen gitarrista izandakoa, 70.hamarkadan egin zen ospetsu. Taldea utzi ondoren, bakarkako ibilbideari ekin zion eta garai hauetan 30 disko baino gehiago argitaratu ditu. Horretaz gain, Genesis taldearekin beste 7 argitaratu zituen eta baita GTR taldearekin argitaratu zuena ere, azken hau, YES taldeko Steve Howerekin batera.

Banda indartsu bat izango du bidelagun Hackettek bira honetan: Roger King (teklatuak), Gary O’Toole (bateria), Nick Beggs (baxua), Rob Townsend (saxofoia) eta Nad Sylvan (ahotsa).

STEVE HACKETT
Martxoak 24 Larunbata / 20:00
31 €

carrito Sarrera erosi

 

Hamabosgarren urteurrena ospatzeko, Kukai dantza konpainiak adiskidez inguratuko da ikuskizun berria aurkezteko

Gaurkotasunak / 10 martxoa, 2017

“Kukai eta Lagunak”, martxoaren 11ean ikusiko da Kursaal Auditorioan

Hamabost urte bete dira, Jon Mayaren ekimenez sortutako Kukai Dantzaren sorreratik. Hau dela eta, urte hauek guztietan bidelagun izan dituzten artistekin batera ikuskizun berezi bat prestatu dute. Hona hemen Kukariren sortzaile den Jon Mayaren hitzak ikuskizunaren inguruan:

“Hamabost urte dira gure ibilbidea abiatu genuenetik; eta abentura horretan kilometro, proiektu, eszenatoki eta esperentzia aberasgarriekin batera, BIDELAGUN bikainak batu ditugu. Haietako bakoitzaren ekarpenak osatzen du egunez egun Kukai Dantza. Orain, artista bidelagun horietako asko batu eta ADISKIDEAK izeneko bira berezia prestatzea erabaki dugu. KUKAI ETA LAGUNAK.

Agertokian batu eta ibilbidea zipriztindu duten doinu esanguratsuenekin kontzertu-emanaldi berezi hau antolatu dugu. Hala, Donostiako Kursaaleko emanaldian bilduko dira Kalakan, Oreka Tx, Iñaki Salvador, DZ (Esne Beltza), Piter Ansorena… Ereintza, Goizaldi eta Eskola dantza taldeak… Eta beste artista gonbidatu asko!!!

Gure eta gure bidelagun guztien arteko festa handia izatea nahi dugu!!!”

Musikariak:
Iñaki Salvador, pianoa & akordeoia
DZ dj
Oreka TX, txalaparta
Iñaki Tellerria, perkusioa
Andoitz Antzizar, trikitixa

Gonbidatuak:
Kalakan Trio, ahotsa & perkusioa
Piter Ansorena, txistua,
Itziar Etxegia, biolina
Ereintza, Goizaldi eta Eskola Dantza Taldeak

 

KUKAI ETA LAGUNAK
Martxoak 11 Larunbata / 20:00
19 €

Sarrerak erosi